ଧର୍ମଶାଳା: ଆଇସିସି କ୍ରିକେଟ ମହାକୁମ୍ଭ ବିଶ୍ବକପ 2023ରେ ଆଜି 21 ତମ ଲିଗ ମ୍ୟାଚ ଆରମ୍ଭ ହୋଇଛି । ସୁପର ସନଣ୍ଡେରେ ମହାମୁକାବିଲା ଆରମ୍ଭ ହୋଇଛି । ଦୁଇ ଟପ୍ ଚିମ ମଧ୍ୟରେ ଆରମ୍ଭ ହୋଇଛି ଫାଇଟ । ଚଳିତ ବର୍ଷ ବିଶ୍ବକପରେ ଏଯାବତ ଶକ୍ତିଶାଳୀ ସାବ୍ଯସ୍ତ ହୋଇଥିବା ଭାରତ ଓ ନ୍ୟୁଜିଲାଣ୍ଡ ମଧ୍ୟରେ କଡା ଟକ୍କର ହେବ । ଟସ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଛି ଭାରତ । ପ୍ରଥମେ ବ୍ୟାଟିଂ କରିବ ନ୍ୟୁଜିଲାଣ୍ଡ । ଯାହା ଅନୁମାନ କରାଯାଉଥିଲା ତାହା ହୋଇଛି । ଭାରତୀୟ ଏକାଦଶରେ ଦୁଇଟି ପରିବର୍ତ୍ତନ ହୋଇଛି । ଆହତ ହାର୍ଦ୍ଦିକ ପାଣ୍ଡ୍ୟାଙ୍କ ସ୍ଥାନରେ ମହମ୍ମଦ ସାମିଙ୍କୁ ସୁଯୋଗ ମିଳିଛି । ସେହିପରି ବ୍ୟାଟିଂରେ ନ୍ୟୁଜିଲାଣ୍ଡ ବିପକ୍ଷ ଚୂଡାନ୍ତ ଏକାଦଶରେ ସୂର୍ଯ୍ୟକୁମାର ଯାଦବଙ୍କୁ ସୁଯୋଗ ମିଳିଛି ।
ଏହା ବି ପଢନ୍ତୁ...World Cup 2023: ଆଜି ଭାରତ ବନାମ ନ୍ୟୁଜିଲାଣ୍ଡ, ଶୀର୍ଷ ସ୍ଥାନ ପାଇଁ ହେବ ଫାଇଟ ହେବ ଟାଇଟ
ପାଣ୍ଡ୍ୟାଙ୍କ ସ୍ଥାନରେ ସାମି : ବାଂଲାଦେଶ ବିପକ୍ଷ ମ୍ୟାଚରେ ବୋଲଂ କରୁଥିବାବେଳେ ଉପଅଧିନାୟକ ତଥା ଭାରତୀୟ କ୍ରିକେଟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଆହତ ହୋଇଥିଲେ । ଆଜି ନ୍ୟୁଜିଲାଣ୍ଡ ବିପକ୍ଷରେ ପାଣ୍ଡ୍ୟା ଖେଳୁ ନାହାନ୍ତି । ତାଙ୍କ ସ୍ଥାନରେ ଚୂଡାନ୍ତ ଏକାଦଶରେ ଦୁଇଟି ପରିବର୍ତ୍ତନ ହୋଇଛି । ବୋଲିଂ ବିଭାଗରେ ମହମ୍ମଦ ସାମିଙ୍କୁ ସାମିଲ କରାଯିବା ନେଇ ଆକଳନ କରାଯାଉଥିଲା । ବୋଲିଂକୁ ଦୃଢ କରିବାକୁ ପାଣ୍ଡ୍ୟାଙ୍କ ସ୍ଥାନରେ ମହମ୍ମଦ ସାମିଙ୍କୁ ଏକାଦଶରେ ସାମିଲ କରାଯାଇଛି । ସେହିପରି ବ୍ୟାଟିଂରେ ସୂର୍ଯ୍ୟକୁମାରଙ୍କୁ ଏକାଦଶରେ ସ୍ଥାନ ମିଳିଛି ।