ନୂଆଦିଲ୍ଲୀ: ବାୟୁ ପ୍ରଦୂଷଣ ରୋକିବାକୁ ବିସିସିଆଇ ବଡ଼ ନିଷ୍ପତ୍ତି ନେଇଛି । ମୁମ୍ବାଇ ଓ ଦିଲ୍ଲୀରେ ଦେବାକୁ ଥିବା ବିଶ୍ବକପ ମ୍ୟାଚରେ ବାଣ ଫୁଟିବ ନାହିଁ । ବାୟୁ ପ୍ରଦୂଷଣକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନେଇଛି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ । ଏନେଇ ଆଇସିସିକୁ ଅବଗତ କରିଛି ବିସିସିଆଇ । ଉଭୟ ଦିଲ୍ଲୀ ଓ ମୁମ୍ବାଇରେ ଏବେ ବାୟୁ ପ୍ରଦୂଷଣ ମାତ୍ରା ବଢ଼ିବାରେ ଲାଗିଛି । ଏହାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ହୋଇଛି ।
ଆସନ୍ତାକାଲି(ଗୁରୁବାର) ଭାରତ ଓ ଶ୍ରୀଲଙ୍କା ମଧ୍ୟରେ ମୁମ୍ବାଇ ୱାଙ୍ଖଡେ ଷ୍ଟାଡିୟମରେ ଏକ ମ୍ୟାଚ୍ ରହିଛି । ଏହି ପୂର୍ବରୁ ଏହି ନିଷତ୍ତି ନେଇଛି ବିସିସିଆଇ । ପ୍ରତି ମ୍ୟାଚ୍ର ଫଳାଫଳ ପରେ ବାଣ ଫୁଟାଯାଇ ଉତ୍ସବ ମନା ଯାଇଥାଏ । ମାତ୍ର ମୁମ୍ବାଇ ଓ ଦିଲ୍ଲୀରେ ପ୍ରଦୂଷଣ ମାତ୍ର ଅଧିକ ଥିବାରୁ ଆଉ ବାଣ ଫୁଟିବ ନାହିଁ ବୋଲି ବିସିସିଆଇ ନିଷ୍ପତ୍ତି ନେଇଛି । ଏ ନିଷ୍ପତ୍ତି ନେଇ ବିସିସିଆଇ ସମ୍ପାଦକ ଜୟ ଶାହ ଟ୍ବିଟ କରି କହିଛନ୍ତି,"ମୁଁ ଆଇସିସି ସହିତ ଆନୁଷ୍ଠାନିକ ଭାବେ କଥା ହୋଇ ସାରିଛି । ମୁମ୍ବାଇ ଓ ଦିଲ୍ଲୀରେ ମ୍ୟାଚରେ କୌଣସି ଆତସବାଜି ହେବା ନାହିଁ । ପରିବେଶ ସୁରକ୍ଷା ପାଇଁ ବୋର୍ଡ ପ୍ରତିଶ୍ରୁତିବଦ୍ଧ । ଫ୍ୟାନ୍ସଙ୍କ ହିତକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନେଉଛୁ ।"