ଲଣ୍ଡନ: କ୍ରିକେଟ ବିଶ୍ବକପରେ ଆରମ୍ଭ ହୋଇଗଲାଣି ସେମିଫାଇନାଲ କାଉନଣ୍ଡାଉନ । ପ୍ରଥମ ଦଳ ଭାବେ ଅଷ୍ଟ୍ରେଲିଆ ବିଶ୍ବକପ 2019 ସେମିଫାଇନାଲରେ ପ୍ରବେଶ କରିସାରିଛି । ତେବେ ଏସବୁ ଭିତରେ ଭାରତର ପାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନ ସେମିଫାଇନାଲ ପ୍ରବେଶ ପାଇଁ ଭାରତର ସାହାଯ୍ୟ ଲୋଡିଛି । ପାକର ପୂର୍ବତନ ଷ୍ଟାର ପେସ ବୋଲର ସୋଏବ ଅଖତର କହିଛନ୍ତି, ପାକିସ୍ତାନ ସେମିରେ ପହଞ୍ଚିବା ପାଇଁ ଭାରତ ସହାୟତା କରୁ ।
ନ୍ୟୁଜିଲାଣ୍ଡ ବିପକ୍ଷରେ ପାକିସ୍ତାନ ଜିତିବା ପରେ ଦଳର ସେମିଫାଇନାଲ ଖେଳିବା ନେଇ ସୁଯୋଗ ସୃଷ୍ଟି ହୋଇଛି । ତେବେ ସେମିରେ ପହଞ୍ଚିବା ପାଇଁ ପାକିସ୍ତାନକୁ ବାକି ଥିବା 2ଟି ମ୍ୟାଚରୁ ବିଜୟ ହାସଲ କରିବାକୁ ପଡିବ । ଭାରତ ଇଂଲଣ୍ଡକୁ ହରାଇଲେ ପାକିସ୍ତାନ 11 ପଏଣ୍ଟ ସହିତ ସେମିଫାଇନାଲରେ ଚତୁର୍ଥ ଦଳ ଭାବେ ପ୍ରବେଶ କରିପାରିବ ।