ସାଉଥହମ୍ପଟନ: ଶେଷ କିଛି ଓଭରରେ କ୍ରିସ ମୋରିସ ଓ କାରିସୋ ରାବଡା ଆଖିଦୃଶିଆ ବ୍ୟାଟିଂ କଲେ । 158ରନରେ 7 ୱିକେଟ ହରାଇଥିବା ଦକ୍ଷିଣ ଆଫ୍ରିକାର ପାଳିକୁ 227 ରନରେ ପହଁଞ୍ଚାଇ ଦେଲେ । ମୋରିସ 34 ବଲରେ 42 ରନ କରିଥିବା ବେଳେ ରାବଡା 31 ରନ କରି ଅପରାଜିତ ରହିଛନ୍ତି । ଭାରତ ପକ୍ଷରରୁ ଚହଲ ଚଲାଇଲେ ତାଙ୍କ ସ୍ପିନ୍ର ଯାଦୁ ଓ 41 ରନ ଦେଇ ହାତେଇଛନ୍ତି ସର୍ବାଧିକ 4ଟି ୱିକେଟ ।
ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଦକ୍ଷିଣ ଆଫ୍ରିକାର ଦୁଇ ଓପନରଙ୍କୁ ଆରମ୍ଭରୁ ପାଭିଲିୟନ ଫେରାଇ ଦେଇଥିଲେ ବୁମରା । ପ୍ରଥମେ ହସିମ ଆମଲା (6 ରନ) ଓ ପରେ କ୍ୱିଣ୍ଟନ ଡିକକ୍(10ରନ)ଙ୍କୁ ନିଜର ଶିକାର କରିଥିଲେ ବୁମରା । ଦୁଇ ପ୍ରାରମ୍ଭିକ ୱିକେଟ ପରେ ଅଧିନାୟକ ଫାଫ୍ ଡୁ ପ୍ଲେସିସ ଓ ଭାନ ଡେର ଡୁସେନ ସ୍ଥିତିକୁ ସମ୍ଭାଳିଥିଲେ । ଦୁହେଁ ତୃତୀୟ ୱିକେଟ ପାଇଁ ଯୋଡିଥିଲେ 54ରନ । ଏହାପରେ ଚହଲ ଆସି ଭାଙ୍ଗିଥିଲେ ଏହି ଯୋଡି ଓ ଉଭୟ ବ୍ୟାଟ୍ସମ୍ୟାନଙ୍କୁ 20ତମ ଓଭରରେ ପାଭିଲିୟନ ପଠାଇଥିଲେ ।