ସାଉଥମ୍ପଟନ: ବିଶ୍ବକପ ଲଢେଇରେ ଅନ୍ୟଏକ ରୋମାଞ୍ଚପୂର୍ଣ୍ଣ ମୁକାବଲା ଦେଖିବାକୁ ମିଳିଛି । ଆଫଗାନିସ୍ତାନକୁ 11 ରନରେ ମାତ ଦେଇଛି ଟିମ ଇଣ୍ଡିଆ । ମହମ୍ମଦ ସାମି ହାଟ୍ରିକ ୱିକେଟ ନେଇ ଭାରତକୁ ବିଜୟ ଭେଟି ଦେଇଛନ୍ତି ।
ଚଳିତ ବିଶ୍ବକପର ପ୍ରଥମ ହାଟ୍ରିକ ମହମ୍ମଦ ସାମିଙ୍କ ନାଁରେ ହୋଇଛି । ସାମି 9.5 ଓଭର ବୋଲିଂ କରି ଗୋଟିଏ ମେଡେନ ଓଭର ସହ ସର୍ବାଧିକ 4ଟି ୱିକେଟ ନେଇଥିଲେ । ବୁମରା, ଚହଲ ଓ ପାଣ୍ଡ୍ୟା 2ଟି ଲେଖାଏଁ ୱିକେଟ ନେଇଥିଲେ । ମ୍ୟାଚର ଗୁରୁତ୍ବପୂର୍ଣ୍ଣ ସମୟରେ 2ଟି ୱିକେଟ ନେଇ ଭାରତ ପକ୍ଷକୁ ମ୍ୟାଚ ଛଡାଇ ଆଣିଥିବାରୁ ଜସପ୍ରିତ ବୁମରା ମ୍ୟାଚ ଅଫ ଦି ମ୍ୟାଚ ହୋଇଛନ୍ତି ।
ଆଫଗାନିସ୍ତାନ ପକ୍ଷରୁ ମହମ୍ମଦ ନବି ଅର୍ଦ୍ଧଶତକୀୟ ପାଳି ଖେଳିଥିଲେ । 55 ବଲରେ 4ଚୌକା ଓ ଗୋଟିଏ ଛକା ସହ 52 ରନ କରିଥିଲେ । ରହମ୍ମତ ସାହା 36, ଗୁଲବାଦ୍ଦିନ ନୈବ 27 ଓ ନଜିବୁଲ୍ଲା 21 ରନର ପାଳି ଖେଳିଥିଲେ ।
ପ୍ରଥମେ ବ୍ୟାଟିଂ କରି ଭାରତ 224 ରନ କରିଥିଲା । ତେବେ ଟିମ ଇଣ୍ଡିଆର ବୋଲର ଆଫଗାନ ବ୍ୟାଟ୍ସମ୍ୟାନଙ୍କୁ ପ୍ରଥମରୁ ଟାର୍ଗେଟ କରିଥିଲେ । ଫଳରେ ନିୟମିତ ବ୍ୟବଧାନରେ ଆଫଗାନ ବ୍ୟାଟ୍ସମ୍ଯାନଙ୍କୁ ଆଉଟ କରି ଭାରତକୁ ବିଜୟୀ କରାଇଥିଲେ ଭାରତୀୟ ବୋଲର ।