ଶନିବାର ସରିଲା ଅମ୍ପାୟାର ଇୟାନ ଗୁଲ୍ଡଙ୍କ କ୍ୟାରିୟର

ଆଇସିସି ଇଭେଣ୍ଟରେ ହାଇପ୍ରୋଫାଇଲ ମ୍ୟାଚ ବେଳେ ଖୋଜାପଡେ ଅମ୍ପାୟାର ଇଆନ ଗୁଲ୍ଡଙ୍କୁ । 2011 କ୍ରିକେଟ ବିଶ୍ବକପରେ ମୋହାଲିରେ ଖେଳାଯାଇଥିବା ଭାରତ-ପାକିସ୍ତାନ ମ୍ୟାଚରେ ସେ ଅମ୍ପାୟାର ରହିଥିଲେ । ଶନିବାର ଭାରତ-ଶ୍ରୀଲଙ୍କା ମ୍ୟାଚ ପରେ ଅମ୍ପାୟାରିଂକୁ ବିଦାୟ କହିଛନ୍ତି ଇଆନ ।

ଲିଡସ: ଆଇସିସି ଇଭେଣ୍ଟରେ ହାଇପ୍ରୋଫାଇଲ ମ୍ୟାଚ ବେଳେ ଖୋଜାପଡେ ଅମ୍ପାୟାର ଇଆନ ଗୁଲ୍ଡଙ୍କୁ । ଶନିବାର ଭାରତ-ଶୀଲଙ୍କା ମ୍ୟାଚ ପରେ ଅମ୍ପାୟାର କ୍ୟାରିୟରରୁ ଅବସର ନେଇଛନ୍ତି ଇଆନ । 19 ଅଗଷ୍ଟ 1957ରେ ଇଂଲଣ୍ଡରେ ଇଆନ ଜେମ୍ସ ଗୁଲ୍ଡଙ୍କ ଜନ୍ମ । ପୂର୍ବତନ ଇଂଲିସ ଫୁଟବଲ କ୍ଳବର ଚେୟାଲମ୍ୟାନ, ପୂର୍ବତନ ଇଂଲଣ୍ଡ କ୍ରିକେଟର, ୱିକେଟ କିପର, ଫୁଟବଲ ଗୋଲକିପର ଓ ଅମ୍ପାୟାର ରହିଛନ୍ତି ।

ଇଆନ ଗୁଲ୍ଡ (2008-2019) ମଧ୍ୟରେ 74 ଟି ଟେଷ୍ଟ ମ୍ୟାଚରେ ଅମ୍ପାୟାରିଂ କରିଛନ୍ତି । ସେ ଟେଷ୍ଟ ମ୍ୟାଚରେ ପ୍ରଥମେ 19-22 ନଭେମ୍ବର 2008ରେ ଦକ୍ଷିଣ ଆଫ୍ରିକା-ବାଂଲାଦେଶ ମଧ୍ୟରେ ଖେଳାଯାଇଥିବା ମ୍ୟାଚରେ ଅମ୍ପାୟାରିଂ କରିଥିଲେ । ଦିନିକିଆରେ (2006-2019) ମଧ୍ୟରେ 140ଟି ମ୍ୟାଚରେ ଅମ୍ପାୟାରିଂ କରିଛନ୍ତି । ଟି-20ରେ(2006-2016) ମଧ୍ୟରେ 37 ଟି ମ୍ୟାଚରେ ଅମ୍ପାୟାରିଂ କରିଛନ୍ତି ।

2007 କ୍ରିକେଟ ବିଶ୍ବକପରେ 3ଟି ମ୍ୟାଚରେ ଇଆନ ଗୁଲ୍ଡ ଅମ୍ପାୟାରିଂ କରିଛନ୍ତି । 2011କ୍ରିକେଟ ବିଶ୍ବକପରେ ମୋହାଲିରେ ଖେଳାଯାଇଥିବା ଭାରତ-ପାକିସ୍ତାନ ମ୍ୟାଚରେ ସେ ଅମ୍ପାୟାର ରହିଥିଲେ । 2015କ୍ରିକେଟ ବିଶ୍ବକପରେ 20 ଶ୍ରେଷ୍ଠ ଅମ୍ପାୟାରଙ୍କ ମଧ୍ୟରେ ସେ ଅନ୍ୟତମ ରହିଥିଲେ ।

2019 କ୍ରିକେଟ ବିଶ୍ବକପ ପାଇଁ ଆଇସିସି ପକ୍ଷରୁ ପ୍ରସ୍ତୁତ ଅମ୍ପାୟାର ତାଲିକାର ଶ୍ରେଷ୍ଠ 16 ଜଣଙ୍କ ମଧ୍ୟରେ ସେ ସ୍ଥାନ ପାଇଥିଲେ । ଶନିବାର ଭାରତ-ଶ୍ରୀଲଙ୍କା ମ୍ୟାଚର ଇଆନ ଗୁଲ୍ଡଙ୍କ 140ତମ ମ୍ୟାଚ ଥିଲା । ଏହା ପରେ ସେ ଅମ୍ପାୟାରିଂକୁ ବିଦାୟ କହିଛନ୍ତି । ମ୍ୟାଚ ପରେ ପ୍ରତିକ୍ରିୟା ଦେଇ ସେ ଭାବୁକ ହୋଇଯାଇଥିଲେ । ସାଥି ଅମ୍ପାୟାରଙ୍କ ଓ ଆଇସିସି ଅଫିସିଆଲ ପ୍ୟାନେଲଙ୍କ ସହ ଶେଷଥର ଫଟୋ ଉଠାଇଥିଲେ ।