ବର୍ମିଂହାମ: କ୍ରିକେଟ ବିଶ୍ବକପର 2ୟ ସେମିଫାଇନାଲ ଘରୋଇ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଛି । ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ 223 ରନରେ ଅଲଆଉଟ ହୋଇଯାଇଛି । ଫଳରେ ଫାଇନାଲରେ ପ୍ରବେଶ କରିବା ପାଇଁ ଇଂଲଣ୍ଡ ସାମ୍ନାରେ 224 ରନର ଲକ୍ଷ୍ୟ ରହିଛି ।
ଅଷ୍ଟ୍ରେଲିଆ ପକ୍ଷରୁ ଷ୍ଟିଭେନ ସ୍ମିଥ ସର୍ବାଧିକ 85 ରନ କରିଛନ୍ତି । ୱିକେଟ କିପର ଆଲେକ୍ସ କ୍ୟାରି 46 ରନର ପାଳି ଖେଳିଛନ୍ତି । ମାକ୍ସୱେଲ 22, ମିଚେଲ ଷ୍ଟାର୍କ 29 ରନ କରିଛନ୍ତି । 7ଜଣ ଅଷ୍ଟ୍ରେଲିଆନ ବ୍ୟାଟ୍ସମ୍ୟାନ 2ଅଙ୍କର ସ୍କୋର ଛୁଇଁ ପାରିନାହାଁନ୍ତି ।
ଇଂଲଣ୍ଡ ପକ୍ଷରୁ କ୍ରିସ ୱକ୍ସ ଓ ସ୍ପିନର ଆଦିଲ ରସିଦ 3ଟି ୱିକେଟ ଅକ୍ତିଆର କରିଛନ୍ତି । ଜୋଫ୍ରା ଆର୍ଚର 2ଟି ଓ ମାର୍କ ଉଡ ଗୋଟିଏ ୱିକେଟ ହାସଲ କରିଛନ୍ତି ।
ପ୍ରଥମ ସେମିଫାଇନାଲରେ ଭାରତକୁ 18 ରନରେ ହରାଇ ନ୍ୟୁଜିଲାଣ୍ଡ ଫାଇନାଲରେ ପହଞ୍ଚିସାରିଛି । ଆଜି ମ୍ୟାଚର ବିଜେତା ନ୍ୟୁଜିଲାଣ୍ଡ ସହ ଆସନ୍ତା 14 ତାରିଖରେ ଲର୍ଡ୍ସରେ ବିଶ୍ବକପ ଫାଇନାଲ ଖେଳିବ ।
