ହାଇଦ୍ରାବାଦ: ପ୍ରାୟ ସମସ୍ତ ଭାରତୀୟ କ୍ରିକେଟର ଏବେ ପ୍ରାୟ ସମୟରେ ସୋସିଆଲ ମିଡିଆରେ ସକ୍ରିୟ ରହୁଛନ୍ତି । ଦେଶବ୍ୟାପୀ ଲକଡାଉନ କାରଣରୁ ଏମାନେ ସୋସିଆଲ ମିଡିଆ ପ୍ଲାଟଫର୍ମରେ ଫ୍ୟାନ୍ସଙ୍କ ସହ ଯୋଡି ହୋଇ ରହିଛନ୍ତି । କିନ୍ତୁ ଯଦି ଜଣେ ଭାରତୀୟ କ୍ରିକେଟରଙ୍କ କଥା କହିବା ଯିଏକି ସୋସିଆଲ ମିଡିଆରେ ନିଜର ଉପସ୍ଥିତି ସବୁବେଳେ ଦେଖାଇଥାନ୍ତି, ସେ ହେଉଛନ୍ତି ଲେଗ ସ୍ପିନର ୟୁଜବେନ୍ଦ୍ର ଚହଲ । ଟ୍ବିଟର, ଫେସବୁକ, ଇନଷ୍ଟାଗ୍ରାମ, ଟିକଟକ୍ ଆପଣ ଯେଉଁ ସୋସିଆଲ ମିଡିଆ କଥା କହିବେ ସବୁଠି ଚହଲଙ୍କ ଉପସ୍ଥିତି ପାଇବେ । ତାଙ୍କର ମଜାଳିଆ କମେଣ୍ଟ ଓ ଭିଡିଓରେ ସେ ଫ୍ୟାନ୍ସଙ୍କୁ ବେଶ ମନୋରଞ୍ଜନ କରନ୍ତି ।
ରବିବାର, ଚହଲ ‘କିମ୍ବଦନ୍ତୀ’ କ୍ରିକେଟର ଏମଏସ ଧୋନିଙ୍କ ସହ ଏକ ପୁରୁଣା ଫଟୋ ସେୟାର କରିବାକୁ ନିଷ୍ପତ୍ତି ନେଇଥିଲେ । ଫଟୋ ସେୟାର କରି ଚହଲ ସେଥିରେ କ୍ୟାପସନ ଲେଖିଛନ୍ତି, ‘ଷ୍ଟମ୍ପ ପଛରୁ ‘ତିଲ୍ଲି’ ଡାକକୁ ବହୁତ ମିସ କରୁଛି । (Miss being called tilli from behind the stumps by the legend..!!)’