ଗୁଡଗାଓଁ: ବିବାହ ବନ୍ଧନରେ ବାନ୍ଧି ହେଲେ ଭାରତୀୟ କ୍ରିକେଟର ୟୁଜଭେନ୍ଦ୍ର ଚହଲ । ସେ ତାଙ୍କ ବାନ୍ଧବୀ ଧନଶ୍ରୀ ବର୍ମାଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଉଭୟଙ୍କ ବିବାହର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଉଭୟ ଧନଶ୍ରୀ ଓ ଚହଲ ନିଜ ବିବାହ ଫଟୋ ସୋସିଆଲ ମିଡିଆରେ ସେୟାର କରିବା ପରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି ।
ଚହଲଙ୍କ ବାନ୍ଧବୀ ତଥା ବର୍ତ୍ତମାନର ପତ୍ନୀ ଧନଶ୍ରୀ ବର୍ମା ବୃତ୍ତିରେ ଜଣେ ଡାକ୍ତର ଓ ସେ ନାଭି ମୁମ୍ବାଇସ୍ଥିତ ପାଟିଲ ଡେଣ୍ଟାଲ କଲେଜରେ ଜଣେ ଦନ୍ତ ଚିକିତ୍ସକ ଭାବେ କାର୍ଯ୍ୟ ମଧ୍ୟ କରୁଛନ୍ତି । ଏହା ସହିତ ସେ ଜଣେ କୋରିଓଗ୍ରାଫର୍ ଏବଂ ୟୁଟ୍ୟୁବର୍ ଭାବେ ମଧ୍ଯ ପରିଚିତ । ତାଙ୍କର 1.5 ମିଲିୟନ୍ରୁ ଅଧିକ ଫଲୋଅର୍ସ ଥିବା ମଧ୍ୟ ଜଣାଯାଏ ।