ହାଇଦ୍ରାବାଦ: ଚଳିତ ସିଜନର 9ମ ମୁକାବିଲାରେ ରାଜସ୍ଥାନ ରୟାଲ୍ସ- କିଙ୍ଗ୍ସ ଏକାଦଶ ପଞ୍ଜାବ ମଧ୍ୟରେ ଏକ ରୋମାଞ୍ଚକ ମୁକାବିଲା ଦେଖିବାକୁ ମିଳିଥିଲା । ଏହି ରୋମାଞ୍ଚକର ମ୍ୟାଚରେ ରାଜସ୍ଥାନ ରୟାଲ୍ସ 4 ଓ୍ବିକେଟରେ ପଞ୍ଜାବକୁ ମାତ୍ ଦେଇଛି । ତେବେ ଏହି ମ୍ୟାଚର 18 ଓଭରରେ ରାଜସ୍ଥାନ ପକ୍ଷରୁ ରାହୁଲ ତେୱାଟିଆ ଶେଲଡନ କଟ୍ରେଲଙ୍କ ବଲ୍ରେ 5ଛକା ମାରିଥିଲେ ଓ ଗୋଟିଏ ବଲ୍ ମିସ୍ କରିଥିଲେ । ଏହି ତେୱାଟିଆଙ୍କ 5ଛକାକୁ ନେଇ 2007 ଟି-20 ବିଶ୍ବ କପ୍ରେ ଇଂଲଣ୍ଡ ବିପକ୍ଷରେ 6ଛକା ମାରିଥିବା ଯୁବରାଜ ସିଂ ଏକ ଟ୍ବିଟ କରିଛନ୍ତି ।
ସେ ଟ୍ବିଟ କରି କହିଛନ୍ତି ଯେ, ନା ଭାଇ ନା !! ମିଷ୍ଟର ରାହୁଲ ତେୱାଟିଆ, ଗୋଟିଏ ବଲ ମିସ୍ କରିଥିବାରୁ ଭାଇ ଧନ୍ୟବାଦ । ଏହି ବିଜୟ ପାଇଁ ରାଜସ୍ଥାନକୁ ଅଭିନନ୍ଦନ । ମୟଙ୍କ ଅଗ୍ରଓ୍ବାଲ ଗ୍ରେଟ ନକ୍ ଓ ସଞ୍ଜୁ ସାମସନ ସାଲଦାର ।