ଟ୍ୟାଗ କରିବାକୁ ଭୁଲିଗଲେ ରବି ଶାସ୍ତ୍ରୀ ମନେପକାଇଦେଲେ ଯୁବରାଜ

ବିଶ୍ବକପ ବିଜୟର ଶୁଭେଚ୍ଛା ଟ୍ବିଟରେ ଯୁବରାଜ ଓ ଧୋନିଙ୍କୁ ଟ୍ୟାଗ କରିବାକୁ ଭୁଲିଗଲେ କୋଚ ରବି ଶାସ୍ତ୍ରୀ । ମନେ ପକାଇଦେଲେ ଯୁବରାଜ ସିଂ । ଅଧିକ ପଢ଼ନ୍ତୁ...

ହାଇଦ୍ରାବାଦ: ‘Dhoni finishes off in style’- କମେଣ୍ଟ୍ରି ବକ୍ସରେ ରବି ଶାସ୍ତ୍ରୀଙ୍କର ଏହି ଶବ୍ଦ ସବୁ ଆଜି ବି ଅନେକ ଭାରତୀୟଙ୍କ କାନରେ ଗୁଞ୍ଜରିତ ହୁଏ, ଯେତେବେଳେ ବିଶ୍ବକପ ଜିତିବା କଥା ଆସେ । ଶ୍ରୀଲଙ୍କା ବିପକ୍ଷରେ 2011 ବିଶ୍ବକପରେ ଧୋନିଙ୍କର ସେହି ବିଜୟୀ ଛକା କିଏ ବା ଭୁଲିପାରିବ ।

ତେବେ ଗୁରୁବାର ବିଶ୍ବକପ ବିଜୟକୁ 9 ବର୍ଷ ପୂରିଥିବା ବେଳେ ଟିମ ପାଖକୁ ଛୁଟିଥିଲା ଶୁଭେଚ୍ଛାର ଶୁଅ । ଫ୍ୟାନ୍ସ ଓ କ୍ରିକେଟରଙ୍କ ସମେତ ଟିମ ଇଣ୍ଡିଆ କୋଚ ରବି ଶାସ୍ତ୍ରୀ ମଧ୍ୟ ଟ୍ବିଟଟରେ ପୋଷ୍ଟ କରି ଟିମ ଇଣ୍ଡିଆକୁ ଶୁଭେଚ୍ଛା ଦେଇଥିଲେ ।

ଶାସ୍ତ୍ରୀ ଧୋନିଙ୍କ ବିଜୟୀ ଛକାର ଏକ ଭିଡିଓ ସେୟାର କରି ଲେଖିଥିଲେ ‘ଆପଣମାନଙ୍କୁ ଅନେକ ଅନେକ ଶୁଭେଚ୍ଛା । ଏମିତି ଏକ ମୁହୂର୍ତ୍ତ ଯାହା ସାରା ଜୀବନ ଆପଣଙ୍କ ସ୍ମୃତିରେ ରହିବ । (Many Congratulations Guys! Something you will cherish all your life. Just like we from the 1983 group #WorldCup2011 - @sachin_rt @imVkohli)’ । ଏହି ପୋଷ୍ଟରେ ଶାସ୍ତ୍ରୀ କେବଳ କୋହଲି ଓ ସଚିନଙ୍କୁ ଟ୍ୟାଗ କରିଥିଲେ ।

ତେବେ ଶାସ୍ତ୍ରୀଙ୍କ ପୋଷ୍ଟର ଉତ୍ତର ଦେଇ ଯୁବରାଜ ସିଂ ଲେଖିଛନ୍ତି ଯେ, ‘ଧନ୍ୟବାଦ ସିନିୟର ! ଆପଣ ମତେ ଓ ମାହିଙ୍କୁ ମଧ୍ୟ ଟ୍ୟାଗ କରି ପାରିଥାନ୍ତେ ଆମେ ମଧ୍ୟ ଏହାର ଏକ ଅଂଶ ଥିଲୁ। (Thanks senior ! U can tag me and mahi also we were also part of it)’ ।

ତେବେ କଥା ଏତିକିରେ ସରି ନଥିଲା । ରବି ଶାସ୍ତ୍ରୀ ମଧ୍ୟ ଯୁବିଙ୍କୁ ଏହାର ଉତ୍ତର ଦେଇ ଲେଖିଛନ୍ତି ଯେ, ‘ଯେତେବେଳେ ବିଶ୍ବକପ କଥା ଆସେ ଆପଣ ଜୁନିଅର ନୁହନ୍ତି । ଆପଣ ଜଣେ କିମ୍ବଦନ୍ତୀ ଖେଳାଳି। (When it comes to World Cups, you are no Junior. Tussi Legend Ho @YUVSTRONG12 !)’