ଲାହୋର: ପାକିସ୍ତାନର ପୂର୍ବତନ କ୍ୟାପଟେନ ୟୁନିସ ଖାନ, ବ୍ୟାଟିଂ କୋଚ ଭାବେ ନୂତନ ଇଂନିସ ଆରମ୍ଭ କରିବାକୁ ଯାଉଛନ୍ତି । ଆଗାମୀ ଇଂଲଣ୍ଡ ଗସ୍ତ ପାଇଁ ପାକିସ୍ତାନ କ୍ରିକେଟ ବୋର୍ଡ(ପିସିବି), ୟୁନିସ ଖାନଙ୍କୁ ବ୍ୟାଟିଂ କୋଚ ନିଯୁକ୍ତ କରିଛି ।
ନୂତନ ଦାୟିତ୍ବ ମିଳିବା ପରେ ୟୁନିସ ଖୁସିବ୍ୟକ୍ତ କରିବା ସହ ବର୍ତ୍ତମାନର କ୍ୟାପଟେନ ବାବାର ଆଜମଙ୍କୁ ନେଇ ବଡ ବୟାନ ରଖିଛନ୍ତି । ବାବାରଙ୍କୁ ଜଣେ ମହାନ କ୍ରିକେଟର ସହ ଅନେକ ରେକର୍ଡ ଭଙ୍ଗ କରିବାର ଦେଖିବାକୁ ଚାହାନ୍ତି ବୋଲି ସେ ବିଶ୍ବାସ ରଖିଛନ୍ତି । ଏମିତିକି ନିଜ ରେକର୍ଡ ମଧ୍ୟ ବାବାର ଭଙ୍ଗ କରନ୍ତୁ ବୋଲି ୟୁନିସ ଖାନ କହିଛନ୍ତି ।
ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କ ସହ ବାବାର ଆଜାମଙ୍କ ତୁଳନାକୁ ମଧ୍ୟ ନାପସନ୍ଦ କରିଛନ୍ତି ୟୁନିସ। କୋହଲି ନିଃସନ୍ଦେହରେ ବର୍ତ୍ତମାନ ସମୟରେ ବିଶ୍ବର ଅନ୍ୟତମ ଶ୍ରେଷ୍ଠ କ୍ରିକେଟର । ନିଜର ପ୍ରଭାବି ପ୍ରଦର୍ଶନ ଦ୍ବାରା କୋହଲି ଶ୍ରେଷ୍ଠ ସ୍ଥାନରେ ରହିଛନ୍ତି । ତେବେ ବର୍ତ୍ତମାନ ସମୟରେ କୋହଲିଙ୍କ ସହ ବାବାରଙ୍କ ତୁଳନା ଗ୍ରହଣୀୟ ନୁହେଁ । 4ରୁ 5 ବର୍ଷ ପରେ ବାବାରଙ୍କ ସଫଳତା ଆଧାରରେ ତୁଳନା କରାଯାଇପାରେ ବୋଲି ୟୁନିସ ଖାନ କହିଛନ୍ତି ।
ସେଥିପାଇଁ ମହାନ କ୍ରିକେଟର ସଚିନ ତେନ୍ଦୁଲକର ଓ ଜାଭେଦ ମିଆଁଦାଦଙ୍କ ପରି ବାବାରଙ୍କୁ ସୁଯୋଗ ଓ ସମୟ ଦିଆଯିବା ଉଚିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ