ଅହମ୍ମଦାବାଦ:ଆଇସିସି ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ଦୌଡରୁ ବାଦ ପଡିଲା ଇଂଲଣ୍ଡ । ଗୁରୁବାର ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ବିପକ୍ଷ ତୃତୀୟ ଟେଷ୍ଟରେ ପରାଜୟ ପରେ ବାଦ ପଡିଛି ଜୋ ରୁଟ୍ଙ୍କ ଦଳ । ଅନ୍ୟପଟେ ମାନ୍ୟତାର ଶୀର୍ଷକୁ ଫେରିଛି ଭାରତ ।
4 ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଭାରତ 2-1ରେ ଆଗୁଆ ରହିଛି । ନ୍ୟୁଜିଲାଣ୍ଡ ବିପକ୍ଷରେ ଫାଇନାଲ ଖେଳିବାକୁ 3-1ରେ ସିରିଜ ବିଜୟ ଆବଶ୍ୟକ କରୁଥିଲା ଇଂଲଣ୍ଡ । ପରାଜୟ ପାଇଁ ପଏଣ୍ଟ ଟେବୁଲରେ ମୂଲ୍ୟବାନ ପଏଣ୍ଟ ହରାଇବା ସହ 64.1 ବିଜୟ ପ୍ରତିଶତ ସହ ଇଂଲଣ୍ଡ 4ର୍ଥ ସ୍ଥାନକୁ ଖସିଛି । ଭାରତ 71.0 ସହ ପ୍ରଥମ ସ୍ଥାନକୁ ଫେରିଛି ।