କୋରୋନା ଭୟ: ବିଶ୍ବ ଏକଦାଶ ବନାମ ଏସିଆ ଏକାଦଶ ମ୍ୟାଚ ବାତିଲ

ଅନ୍ତର୍ଜାତୀୟ ମ୍ୟାଚକୁ କୋରୋନା ଭୟ । ଏଠାରେ ଖେଳାଯିବାକୁ ଥିବା ବିଶ୍ବ ଏକଦାଶ ବନାମ ଏସିଆ ଏକାଦଶର ମ୍ୟାଚର ତାରିଖ ବାତିଲ ହୋଇଛି । ଅଧିକ ପଢନ୍ତୁ...

ଢାକା: ଅନ୍ତର୍ଜାତୀୟ ମ୍ୟାଚକୁ କୋରୋନା ଭୟ । ଏଠାରେ ଖେଳାଯିବାକୁ ଥିବା ବିଶ୍ବ ଏକଦାଶ ବନାମ ଏସିଆ ଏକାଦଶର ମ୍ୟାଚର ତାରିଖ ବାତିଲ ହୋଇଛି । ତେବେ ଏହି ମ୍ୟାଚ ଶେଖ୍ ମୁଜିବୁର ରହମାନଙ୍କ ଜନ୍ମ ଶତବାର୍ଷିକୀ ସ୍ମୃତିରେ ଖେଳାଯିବାର ଥିଲା ।

ବାଂଲାଦେଶ କ୍ରିକେଟ୍ ବୋର୍ଡର ସଭାପତି ନଜମୁଲ ହାସନ ବୁଧବାର ଗଣମାଧ୍ୟମକୁ କହିଛନ୍ତି, ମାର୍ଚ୍ଚ 21 ଏବଂ 22 ରେ ହେବାକୁ ଥିବା ଦୁଇଟି ମ୍ୟାଚ୍ ଆୟୋଜନ ଏବଂ ଏହା ପୂର୍ବରୁ ଏଆର୍ ରହମାନଙ୍କ ସଙ୍ଗୀତ କନସର୍ଟରେ ବୋର୍ଡ ସମସ୍ୟାର ସମ୍ମୁଖୀନ ହେଉଛି । ଆମ ହାତରେ ଦୁଇଟି ବିକଳ୍ପ ଥିଲା ବୋଲି ହାସନ କହିଛନ୍ତି । ସେ କହିଛନ୍ତି, ଆମେ 18 ତାରିଖ ଦିନ ଏକ କନସର୍ଟ ଆୟୋଜନ କରିବାର ଯୋଜନା କରିଥିଲୁ । କିନ୍ତୁ ଆମେ ଏହାକୁ ଏକ ବଡ଼ ଢଙ୍ଗରେ କରିବାକୁ ନିଷ୍ପତ୍ତି ନେଇଛୁ । ସେଥିପାଇଁ ଆମକୁ ଏହାକୁ କ୍ଷଣିକ ପାଇଁ ସ୍ଥଗିତ ରଖିବାକୁ ପଡିଛି । ଏହାର କାରଣ କୋରୋନା ଭାଇରାସ । ତେଣୁ ଏହା 18 ତାରିଖ ଦିନ ଆୟୋଜନ ହୋଇ ପାରିବ ନାହିଁ । ଯେତେବେଳେ ପରିସ୍ଥିତି ସୁଧୁରିବ, ଆମେ ଏହାକୁ ବଡ ଆକାରରେ ଆୟୋଜନ କରିବୁ ।

ପୁଣି ସେ କହିଛନ୍ତି, ଆମେ ମଧ୍ୟ 21 ଓ 22 ରେ ମ୍ୟାଚ୍ ଆୟୋଜନ କରିବାରେ ଅସୁବିଧାର ସମ୍ମୁଖୀନ ହେଉଛୁ । ଖେଳାଳିମାନେ ଏଠାକୁ ଆସି ଖେଳିବେ । ଏଥିରେ କୌଣସି ସନ୍ଦେହ ନାହିଁ । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଆମେ ଦୁଇଟି ଇଭେଣ୍ଟ (କନସର୍ଟ ଏବଂ ଟି -20 ମ୍ୟାଚ୍) କୁ ସ୍ଥଗିତ ରଖିଛୁ । ଆମେ ଆକଳନ କରିଛୁ ଆଗାମୀ ଦୁଇ ମାସ ମଧ୍ୟରେ ପରିସ୍ଥିତିରେ ସୁଧାର ଆସିଲେ ମ୍ୟାଚ ଆୟୋଜନ କରାଯିବ । ତେଣୁ କାର୍ଯ୍ୟକ୍ରମ ଗୁଡ଼ିକୁ ବର୍ତ୍ତମାନ ପର୍ଯ୍ୟନ୍ତ ସ୍ଥଗିତ ରଖାଯାଇଛି।