ନୂଆଦିଲ୍ଲୀ: 2019 କ୍ୟାଲେଣ୍ଡର ବର୍ଷର ଶେଷ ସହିତ ଗୋଟିଏ ଦଶନ୍ଧିର ଶେଷ ହେବାକୁ ଯାଉଛି । ତେବେ କ୍ରିକେଟରେ ଭାରତୀୟ ଦଳ ଏହି ଦଶନ୍ଧିରେ ଅନେକ ବିରଳ କିର୍ତ୍ତୀମାନ ସ୍ଥାପନ କରିଛି । ମେନ ଇନ ବ୍ଳୁ ଏହି ଦଶନ୍ଧିରେ ଅନେକ ସ୍ମରଣୀୟ କ୍ରିକେଟ ଖେଳିଛି ।
ବିରାଟ କୋହଲି- ମହେନ୍ଦ୍ର ସିଂହ ଧୋନି ଦିନିକିଆ କ୍ରିକେଟରେ ଶେଷ ହେବାକୁ ଯାଉଥିବା ଦଶନ୍ଧିର ସଫଳତମ ଦଳ ହୋଇଛି ଭାରତ । ଏହି ସଫଳତମ ଦଶନ୍ଧିର ଯାତ୍ରାରେ 2011 କ୍ରିକେଟ ବିଶ୍ବକପ ଓ 2013ରେ ଆଇସିସି ଚମ୍ପିଆନ୍ସ ଟ୍ରଫି ନିଜ ନାମରେ କରିଛି ।ଭାରତୀୟ ଦଳ 2010ରୁ 2019 ମଧ୍ୟରେ ସର୍ବାଧିକ ଦିନିକିଆ ସିରିଜ ବିଜୟର ରେକର୍ଡ ମଧ୍ୟ କରିଛି । ମୋଟ 35 ଟି ଦିନିକିଆ ସିରିଜରେ ବିଜୟୀ ହୋଇଛି ଟିମ ଇଣ୍ଡିଆ ।
ଏହି ଦଶନ୍ଧିରେ ଭାରତୀୟ ଦଳର ପରାଜୟ ଠାରୁ ବିଜୟ ଓ ଅନୁପାତ ଢେର ବେଶୀ ରହିଛି । ଖେଳିଥିବା ମୋଟ 249 ଅନ୍ତର୍ଜାତୀୟ ଦିନିକିଆ ମ୍ୟାଚରୁ 157ଟିରେ ବିଜୟବାନା ଉଡାଇଛି ଟିମ ଇଣ୍ଡିଆ । 2010ରୁ 2019 ପର୍ଯ୍ୟନ୍ତ କ୍ରିକେଟ ଖେଳୁଥିବା ସମସ୍ତ ଦେଶ ମଧ୍ୟରେ ଏହି ବିଜୟ ଅନୁପାତ ସର୍ବାଧିକ । ମାତ୍ର 79 ଟି ମ୍ୟାଚରେ ଦଳକୁ ପରାଜୟ ମିଳିଛି । 7ଟି ମ୍ୟାଚ ବିନା ଫଳାଫଳ ଓ 6ଟି ମ୍ୟାଚ ଟାଇରେ ଶେଷ ହୋଇଛି ।
ଏହି ତାଲିକାରେ ଅଷ୍ଟ୍ରେଲିଆ ଟିମ 2ୟ ସ୍ଥାନରେ ରହିଛି । ଖେଳିଥିବା 216 ଦିନିକିଆ ମ୍ୟାଚରୁ 125ରେ ଦଳକୁ ବିଜୟ ମିଳିଛି । 3ୟରେ 2019 କ୍ରିକେଟ ବିଶ୍ବକପ ବିଜେତା ଇଂଲଣ୍ଡ ରହିଛି । ଇଂଲଣ୍ଡ 218 ମ୍ୟାଚରୁ 123ରେ ବିଜୟ ହାସଲ କରିଛି ।
