ସିଡନି: ଆଇସିସି ମହିଳା ଟି-20 ବିଶ୍ବକପ ସେମିଫାଇନାଲରେ ଦକ୍ଷିଣ ଆଫ୍ରିକା । ପାକିସ୍ତାନକୁ 17 ରନରେ ହରାଇ ସେମି ଟିକେଟ ହାତେଇଛି ଦକ୍ଷିଣ ଆଫ୍ରିକା ।
ପ୍ରଥମ ବ୍ୟାଟିଂ କରି ଦକ୍ଷିଣ ଆଫ୍ରିକା ନିର୍ଦ୍ଧାରିତ 20 ଓଭରରେ 136 ରନ କରିଥିଲା । ଦଳ ପକ୍ଷରୁ ଲାଉରା ୱଲଭାରଡଟ ସର୍ବାଧିକ 36 ବଲରୁ 53 ରମର ଇଂନିସ ଖେଳିଥିଲେ । ମେରିଜେନ କେପ 31 ରନର ଇଂନିସ ଖେଳିଥିଲେ ।
137 ରନର ବିଜୟ ଲକ୍ଷ୍ୟକୁ ପିଛା କରି ପାକିସ୍ତାନ 119 ରନରେ ଅଟକି ଯାଇଥିଲା । ଦକ୍ଷିଣ ଆଫ୍ରିକା ବୋଲରଙ୍କ ଶାଣିତ ବୋଲିଂ ଦେଖିବାକୁ ମିଳିଥିଲା । କ୍ୟାପଟେନ ଡେନ ଭାନ ନିକର୍କ 4 ଓଭର ବୋଲିଂ କରି 17 ରନ ବ୍ୟୟରେ ଗୋଟିଏ ୱିକେଟ ହାସଲ କରିଥିଲେ । ସବନିମ ଇସମେଲ ଓ ନୋଙ୍କୁଲୁଲେକୋ ମାଲବା ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
