ଶାରଜାହ: ସୋମବାର ମହିଳା ଟି-20 ଚ୍ୟାଲେଞ୍ଜ 2020ର ଫାଇନାଲ ମୁକାବିଲା ସୁପରନୋଭାସ ଓ ଟ୍ରେଲବ୍ଳେଜର୍ସ ଟିମ ମଧ୍ୟରେ ଖେଳାଯିବ । ତେବେ ଫାଇନାଲ ଫାଇଟ ପୂର୍ବରୁ ଟ୍ରେଲବ୍ଳେଜର୍ସ କ୍ୟାପଟେନ ସ୍ମୃତି ମାନ୍ଧାନା ଟିମକୁ ଦେଇଛନ୍ତି ବିଜୟ ମନ୍ତ୍ର । ଶାରଜାହ କ୍ରିକେଟ ଷ୍ଟାଡିୟମରେ ଖେଳାଯିବାକୁ ଥିବା ଏହି ଫାଇନାଲ ମୁକାବିଲାରେ ଫିଲ୍ଡିଂ ବିଭାଗ ଦୃଢ ହେବା ଉଚିତ ବୋଲି କହିଛନ୍ତି ମାନ୍ଧାନା ।
ଭର୍ଚୁଆଲ ସାମ୍ବାଦିକ ସମ୍ମିଳନୀରେ ମାନ୍ଧାନା କହିଛନ୍ତି, ଶେଷ ମ୍ୟାଚର ପ୍ରଦର୍ଶନକୁ ଦୃଷ୍ଟିରେ ରଖି ଫିଲ୍ଡିଂ ଉପରେ ଧ୍ୟାନ ଦେବାକୁ ହେବ । ସୁପରନୋଭାସ ବିପକ୍ଷ ପୂର୍ବ ମ୍ୟାଚରେ 15ରୁ 20 ରନ ଅଧିକ ବ୍ୟୟ କରିଥିଲୁ । ବୋଲିଂ ବିଭାଗ ପାଇଁ ରଣନୀତି ପ୍ରସ୍ତୁତ । ଫାଇନାଲ ମ୍ୟାଚରେ ପ୍ରଭାବୀ ପ୍ରଦର୍ଶନ ସହ ଟୁର୍ଣ୍ଣାମେଣ୍ଟ ବିଜୟ ନେଇ ଆଶାବାଦୀ ରହିଛି ।"