ଇସଲାମାବାଦ: ଏକ ହୋଲି ଫଟୋକୁ ନେଇ ପାକିସ୍ତାନ କ୍ରିକେଟ କିମ୍ବଦନ୍ତୀ ବୋଲର ୱାସିମ ଆକ୍ରମ ଓ ତାଙ୍କ ପତ୍ନୀଙ୍କ ମଧ୍ୟରେ ମଜାଦାର ଟ୍ବିଟ ଦେଖିବାକୁ ମିଳିଛି। ଏହି ଫଟୋ 1987 ମସିହା ପାକିସ୍ତାନର ଭାରତ ଗସ୍ତ ସମୟର । ଏଥିରେ ୱାସିମ ଆକ୍ରମ ଏକ ଛୋଟିଆ ପ୍ୟାଣ୍ଟ ପିନ୍ଧି ଖାଲି ଦେହରେ ଛିଡ଼ା ହୋଇଥିବା ଦେଖିବାକୁ ମିଳିଛି। ଏହି ଫଟୋକୁ ନେଇ ୱାସିମ ଆକ୍ରମଙ୍କୁ ମଜାଳିଆ ଢଙ୍ଗରେ ଟ୍ରୋଲ କରିଛନ୍ତି ତାଙ୍କ ପତ୍ନୀ।
ୱାସିମ ଆକ୍ରମଙ୍କ ପତ୍ନୀ ସାନାଇରା ଟ୍ବିଟ କରି ଲେଖିଥିଲେ ଯେ, "ଆଜି ଟ୍ବିଟର ଖୋଲୁ ଖୋଲୁ ମୋ ସ୍ବାମୀଙ୍କ ଅଣ୍ଡରୱିୟରରେ ଏକ ଫଟୋ ଦେଖିବାକୁ ପାଇଲି । ଏହା କଣ ସାଧାରଣ କଥା ଥିଲା ?"
ସାନାଇରାଙ୍କ ଜବାବ ଦେଇ ୱାସିମ ଆକ୍ରମ ଲେଖିଛନ୍ତି ଯେ, "ସେହି ସମୟରେ ଏହା ସାଧାରଣ କଥା ଥିଲା ପତ୍ନୀ। ତୁମ ସୂଚନା ପାଇଁ କହି ରଖୁଛି ଯେ, ସେତେବେଳେ ଏମିତି ସଭିଏଁ ପିନ୍ଧୁଥିଲେ।"