ୱେଷ୍ଟଇଣ୍ଡିଜ ବନାମ ଆୟରଲ୍ୟାଣ୍ଡ: ଦିନିକିଆ ସିରିଜରୁ ହୋଲ୍ଡରଙ୍କୁ ବିଶ୍ରାମ

ଆୟରଲ୍ୟାଣ୍ଡ ବିପକ୍ଷ ଦିନିକିଆ ସିରିଜ ପାଇଁ ୱେଷ୍ଟଇଣ୍ଡିଜ ଦଳ ଘୋଷଣା ହୋଇଛି । ଘୋଷଣା ହୋଇଥିବା ଦଳରୁ ଅଲରାଉଣ୍ଡ ଜେସନ ହୋଲ୍ଡରଙ୍କୁ ବିଶ୍ରାମ ଦିଆଯାଇଛି । ଅଧିକ ପଢନ୍ତୁ...

ଆଣ୍ଟିଗୁଆ: ଆୟରଲ୍ୟାଣ୍ଡ ବିପକ୍ଷ ଦିନିକିଆ ସିରିଜ ପାଇଁ ୱେଷ୍ଟଇଣ୍ଡିଜ ଦଳ ଘୋଷଣା ହୋଇଛି । ଭାରତ ବିପକ୍ଷରେ ଟି20 ଓ ଦିନିକିଆ ସିରିଜ ହାରିବା ପରେ ଆୟରଲ୍ୟାଣ୍ଡ ବିପକ୍ଷରେ ଖେଳିବ ପୋଲାର୍ଡ ବାହୀନି । ତେବେ ଘୋଷଣା ହୋଇଥିବା ଦଳରୁ ଅଲରାଉଣ୍ଡ ଜେସନ ହୋଲ୍ଡରଙ୍କୁ ବିଶ୍ରାମ ଦିଆଯାଇଛି । 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ଜାନୁୟାରୀ 7ରୁ ଆରମ୍ଭ ହେବ ।

ପ୍ରଥମ 2ଟି ମ୍ୟାଚ କେନସିଂଟନ ଓଭାଲରେ ଖେଳାଯିବାକୁ ଥିବାବେଳେ, 3ୟ ମ୍ୟାଚ ବାରବୋର୍ଡସ ଗ୍ରାଉଣ୍ଡରେ ଖେଳାଯିବ । ହୋଲ୍ଡର ଆଇିସିସି ଟେଷ୍ଟ ଅଲରାଉଣ୍ଡର ମାନ୍ୟତାର ଶୀର୍ଷରେ ରହିଛନ୍ତି । କ୍ରିକେଟର ଲମ୍ବା ଫର୍ମାଟରେ ଇଣ୍ଡିଜ ଦଳର ନିୟମିତ କ୍ୟାପଟେନ । ତେବେ ଅତ୍ୟଧିକ ମ୍ୟାଚର ଚାପ ଯୋଗୁଁ ଇଣ୍ଡିଜ କ୍ରିକେଟ ବୋର୍ଡ ବିଶ୍ରାମ ଦେଇଛି ।

ଆୟରଲ୍ୟାଣ୍ଡ ବିପକ୍ଷରେ ଘୋଷିତ ୱେଷ୍ଟଇଣ୍ଡିଜ ଦଳ:
କିରନ ପୋଲାର୍ଡ(କ୍ୟାପଟେନ), ସୁନୀଲ ଆମ୍ବ୍ରିସ, ରୋଷ୍ଟନ ଚେଜ, ସେଲଡନ କଟ୍ରେଲ, ସିମ୍ରନ ହେଟମେୟର, ସାଇ ହୋପ, ଅଲଝାରି ଜୋଶେଫ, ବ୍ରାଣ୍ଡନ କିଙ୍ଗ, ଇଭିନ ଲୁଇସ, କିମୋ ପଲ, ଖାରୀ ପେରୀ, ନିକୋଲାସ ପୋରନ, ରୋମାରିଓ ସେଫର୍ଡ, ହେଡେନ ୱାଲ୍ସ ।