ଶ୍ରୀଲଙ୍କା ଇଷ୍ଟର ଆଟାକକୁ ବର୍ଷ, ମନରୁ ଲିଭୁନି ବିଭୀଷିକା

ଶ୍ରୀଲଙ୍କା ଚର୍ଚ୍ଚ ବିସ୍ପୋରଣକୁ ବର୍ଷେ ବିତିଛି । ଏ ନେଇ ଶ୍ରୀଲଙ୍କା କ୍ରିକେଟ ଟିମର ପୂର୍ବତନ କ୍ୟାପଟେନ ତଥା ମେଲବର୍ଣ୍ଣ କ୍ରିକେଟ କ୍ଳବର ସଭାପତି କୁମାର ସାଙ୍ଗାକାରା ଏକ ଆବେଗ ପୂର୍ଣ୍ଣ ଟ୍ବିଟ କରିଛନ୍ତି । ଏହି ଦିନକୁ କେବେବି ଶ୍ରୀଲଙ୍କାବାସୀ ଭୁଲିପାରିବେ ନାହିଁ ବୋଲି ଟ୍ବିଟରେ ଲେଖିଛନ୍ତି ସାଙ୍ଗାକାରା ।

ହାଇଦ୍ରାବାଦ: ଶ୍ରୀଲଙ୍କା ଚର୍ଚ୍ଚ ବିସ୍ପୋରଣକୁ ବର୍ଷେ ବିତିଛି । ଏ ନେଇ ଶ୍ରୀଲଙ୍କା କ୍ରିକେଟ ଟିମର ପୂର୍ବତନ କ୍ୟାପଟେନ ତଥା ମେଲବର୍ଣ୍ଣ କ୍ରିକେଟ କ୍ଳବର ସଭାପତି କୁମାର ସାଙ୍ଗାକାରା ଏକ ଆବେଗ ପୂର୍ଣ୍ଣ ଟ୍ବିଟ କରିଛନ୍ତି । ଏହି ଦିନକୁ କଦାପି ଶ୍ରୀଲଙ୍କାବାସୀ ଭୁଲିପାରିବେ ନାହିଁ ବୋଲି ଟ୍ବିଟରେ ଲେଖିଛନ୍ତି ସାଙ୍ଗାକାରା ।

21 ଏପ୍ରିଲର ଦିନ ଇଷ୍ଟର ରବିବାର ଥିଲା । ଶ୍ରୀଲଙ୍କାର ବିଭିନ୍ନ ଚର୍ଚ୍ଚରେ ଖ୍ରୀଷ୍ଟଧର୍ମର ଲୋକମାନେ ଇଷ୍ଟର ପାଳନ ପାଇଁ ଚର୍ଚ୍ଚରେ ଭିଡ ଜମାଇଥିଲେ । ତେବେ ଏକାଧିକ ଚର୍ଚ୍ଚରେ ବୋମା ବିସ୍ପୋରଣ ଖବର ଶ୍ରୀଲଙ୍କା ସହ ସାରା ବିଶ୍ବକୁ ସ୍ତବ୍ଦ କରିଥିଲା ।

ଅନେକ ସାଧାରଣ ଲୋକେ ତାଙ୍କ ପ୍ରିୟଜନଙ୍କୁ ଏହି ଅଭାବନୀୟ ବୋମା ବିସ୍ପୋରଣରେ ହରାଇଥିଲେ । ସାରା ଶ୍ରୀଲଙ୍କାରେ ଶୋକର କଳାବାଦଲ ଢାଙ୍କି ହୋଇଯାଥିଲା । ଏହି ଆତଙ୍କୀ ହମଲାରେ ଚାଲିଯାଇଥିଲା 258 ଲୋକଙ୍କର ଜୀବନ । ପ୍ରାୟ 500ରୁ ଅଧିକ ଲୋକ ଏଥିରେ ଗୁରୁତର ହୋଇଥିଲେ । ଏହାପରେ ଦ୍ବୀପଦେଶ ଶ୍ରୀଲଙ୍କାରେ ଏପ୍ରିଲରୁ ଅଗଷ୍ଟ ପର୍ଯ୍ୟନ୍ତ ଜରୁରୀକାଳୀନ ସ୍ଥିତିରେ ରହିଥିଲା ।