ନୂଆଦିଲ୍ଲୀ: ଡିସେମ୍ବରରେ ଭାରତୀୟ ଦଳ ଅଷ୍ଟ୍ରେଲିଆ ଗସ୍ତ କରିବ । ଏନେଇ ସ୍ପଷ୍ଟ କରିଛନ୍ତି ବିସିସିଆଇ ସଭାପତି ସୌରଭ ଗାଙ୍ଗୁଲି । ତେବେ ଏହାପୂର୍ବରୁ ଖେଳାଳିଙ୍କୁ ଅଳ୍ପଦିନ ପାଇଁ କ୍ବାରେଣ୍ଟିନରେ ରହିବାକୁ ହେବ ବୋଲି ସେ କହିଛନ୍ତି ।
"ଦୁଇ ସପ୍ତାହ ଧରି ଖେଳାଳି ହୋଟେଲ ରୁମରେ ରହିବା ସହଜ ନୁହେଁ । ଏହା ନକରାତ୍ମକ ମନୋଭାବ ଆଣିପାରେ । ସେଥିପାଇଁ କ୍ବାରେଣ୍ଟିନ ସମୟକୁ ସାମାନ୍ୟ କମ କରିବାକୁ ଅପେକ୍ଷା ରହିଥିବା ଗାଙ୍ଗୁଲି କହିଛନ୍ତି ।"
ଅଷ୍ଟ୍ରେଲିଆରେ କୋରୋନା ଭାଇରସ ସ୍ଥିତି ନିୟନ୍ତ୍ରଣାଧୀନ ରହିଛି । ଅଷ୍ଟ୍ରେଲିଆର ଦ୍ବିତୀୟ ବୃହତ ସହର ମେଲବୋର୍ଣ୍ଣରେ ସଂକ୍ରମଣର ସ୍ଥିତି ସାମାନ୍ୟ ବୃଦ୍ଧି ଯୋଗୁଁ ଲକଡାଉନରେ ରହିଛି । ମେଲବୋର୍ଣ୍ଣ ବ୍ୟତୀତ ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ଭଲ ସ୍ଥିତିରେ ରହିଛନ୍ତି ।