ଚେନ୍ନାଇ: ଭାରତ ବିପକ୍ଷ 4 ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଭଲ ପ୍ରଦର୍ଶନ କରିବ ଇଂଲଣ୍ଡ । ଏନେଇ ଗୁରୁବାର ଭର୍ଚୁଆଲ ସାମ୍ବାଦିକ ସମ୍ମିଳନୀରେ ଦୃଢୋକ୍ତି କରିଛନ୍ତି କ୍ୟାପଟେନ ଜୋ ରୁଟ୍ ।
ଶ୍ରୀଲଙ୍କା ବିପକ୍ଷରେ 2-0ରେ ସିରିଜ ବିଜୟ ପରେ ଦଳର ମନୋବଳ ଉଚ୍ଚା ରହିଛି । ଫଳରେ ଭାରତ ବିପକ୍ଷରେ ସମସ୍ତ ଆହ୍ବାନକୁ ସାମ୍ନା କରିବାକୁ ଦଳ ପ୍ରସ୍ତୁତ ବୋଲି କହିଛନ୍ତି ରୁଟ୍ ।
ଅଲରାଉଣ୍ଡର ବେନ ଷ୍ଟୋକ୍ସ ଓ ଦ୍ରୁତ ବୋଲର ଜୋଫ୍ରା ଆର୍ଚର ଦଳକୁ ଫେରିବା ପରେ ଇଂଲଣ୍ଡ କ୍ୟାମ୍ପକୁ ଅଧିକ ଶକ୍ତି ମିଳିଛି । ମାତ୍ର ଓପନର ଜାକ କ୍ରାୱଲେ ଆହତ ହୋଇ ପ୍ରଥମ ଦୁଇଟି ଟେଷ୍ଟରୁ ବାଦ ପଡିବା ଭ୍ରମଣକାରୀ ଦଳ ପାଇଁ ଶକ୍ତ ଧକ୍କା ହୋଇଛି ।
ଏମ. ଏ. ଚିଦାମ୍ବରମ ଷ୍ଟାଡିୟମରେ ଶୁକ୍ରବାର ବିରାଟ କୋହଲିଙ୍କ ସହ ଟସ୍ ସମୟରେ 15ତମ ଇଂଲିସ କ୍ରିକେଟର ଭାବେ 100ତମ ଟେଷ୍ଟ ଖେଳିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ