ପତ୍ନୀଙ୍କ ସହ କ୍ରିକେଟ ଖେଳୁଛନ୍ତି ବିରାଟ କୋହଲି, ଦେଖନ୍ତୁ ଭିଡିଓ

କୋରୋନା ଭାଇରସ ଲକଡାଉନ କାରଣରୁ ଦେଶରେ ସମସ୍ତ ପ୍ରକାର କ୍ରିକେଟ ବନ୍ଦ ରହିଛି । ସମସ୍ତ କ୍ରିକେଟର ଘରେ ରହିଛନ୍ତି । ମାତ୍ର ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କୁ କ୍ରିକେଟ ଖେଳୁଥିବାର ଦେଖିବାକୁ ମିଳିଛି ।

ମୁମ୍ବାଇ: କୋରୋନା ଭାଇରସ ଲକଡାଉନ କାରଣରୁ ଦେଶରେ ସମସ୍ତ ପ୍ରକାର କ୍ରିକେଟ ବନ୍ଦ ରହିଛି । ସମସ୍ତ କ୍ରିକେଟର ଘରେ ରହିଛନ୍ତି । ମାତ୍ର ଟିମ ଇଣ୍ଡିଆ କ୍ୟାପଟେନ ବିରାଟ କୋହଲିଙ୍କୁ କ୍ରିକେଟ ଖେଳୁଥିବାର ଦେଖିବାକୁ ମିଳିଛି ।

ତେବେ ସାଥି କ୍ରିକେଟର କେହି ଟିମ ଇଣ୍ଡିଆର ନୁହନ୍ତି । ବରଂ ନିଜେ କ୍ୟାପଟେନ କୋହଲିଙ୍କ ପତ୍ନୀ ତଥା ବଲିଉଡ ସୁନ୍ଦରୀ ଅନୁଷ୍କା ଶର୍ମା । ବିରାଟ ରହୁଥିବା ଘର ପରିସରକୁ କ୍ରିକେଟ ପଡିଆ ବାଛିନେଇଛନ୍ତି ।

ଇଣ୍ଡିଆନ ସ୍ପୋର୍ଟ୍ସ ଫ୍ୟାନ ଟ୍ବିଟର ପେଜରେ ଫ୍ୟାନ୍ସଙ୍କ ପାଇଁ କୋହଲିଙ୍କ ଏହି ଭିଡିଓ ପୋଷ୍ଟ କରାଯାଇଛି । ଭିଡିଓରେ ପ୍ରଥମେ ବିରାଟ ବୋଲିଂ କରୁଛନ୍ତି ଓ ଅନୁଷ୍କା ବ୍ୟାଟିଂ କରୁଥିବାର ଦେଖାଯାଉଛି । ପରେ ବିରାଟ ଗ୍ଳୋବ୍ସ ପିନ୍ଧି ବ୍ୟାଟିଂକୁ ଫେରୁଛନ୍ତି ଓ ଅନୁଷ୍କା ବୋଲର ବନୁଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ