ମାଞ୍ଚେଷ୍ଟର: ବିଶ୍ବକପର ପ୍ରଥମ ସେମିଫାଇନାଲ ମ୍ୟାଚରେ ନ୍ୟୁଜିଲାଣ୍ଡକୁ ଭେଟୁଛି ଭାରତ । ତେବେ ଏହି ମ୍ୟାଚ ପୂର୍ବରୁ ଏକ ମଜାଳିଆ ଭିଡିଓ ଟ୍ବିଟରରେ ଭାଇରାଲ ହେଉଛି । ଯେଉଁଥିରେ ଭାରତୀୟ ଅଧିନାୟ ବିରାଟ କୋହଲି ଦଳର ଷ୍ଟାର ପେସ ବୋଲର ଜସପ୍ରିତ୍ ବୁମରାଙ୍କୁ ଟ୍ରୋଲ କରୁଥିବାର ନଜର ଆସିଛନ୍ତି ।
ଦେଖନ୍ତୁ ଭିଡିଓ-
ତେବେ ସମ୍ଭବତଃ ଉକ୍ତ ଭିଡିଓ ମଙ୍ଗଳବାର ମ୍ୟାଚ ପୂର୍ବର ଅଭ୍ୟାସ ବେଳର ଦୃଶ୍ୟ । ଏହି ଭିଡିଓରେ ମଜାଳିଆ ଢଙ୍ଗରେ ବିରାଟ ବୁମରାଙ୍କ ବୋଲିଂ ଆକ୍ସନକୁ ଟ୍ରୋଲ କରୁଛନ୍ତି । ବୁମରା ଯେପରି ଢଙ୍ଗରେ ବୋଲିଂ କରନ୍ତି, ଅଭ୍ୟାସ ସେସନ ବେଳେ ବିରାଟ ଅବିକଳ ସେହିପରି ବୋଲିଂ ଆକ୍ସନ ଦେଖାଇଛନ୍ତି । ପଖାରେ ମଧ୍ୟ ବୁମରା ଅଛନ୍ତି । ତେବେ ବିରାଟଙ୍କ ଏପରି ଆକ୍ସନ ଦେଖି ଦଳର ଅନ୍ୟ ଖେଳାଳିମାନେ ହସି ହସି ଗଡିଯାଉଛନ୍ତି ।
ତେବେ ରିପୋର୍ଟ ଲେଖାଯିବା ସୁଦ୍ଧା, ବର୍ଷା ଯୋଗୁଁ ମ୍ୟାଚ ବାଧାପ୍ରାପ୍ତ ହୋଇଛି । ବର୍ଷା ପୂର୍ବରୁ 46.1 ଓଭରରେ 5 ୱିକେଟ ହରାଇ 211ରନ କରିଛି ନ୍ୟୁଜିଲାଣ୍ଡ ।
