ନୂଆଦିଲ୍ଲୀ:ବିରାଟ କୋହଲିଙ୍କ ବିରାଟ ହୃଦୟ। ବୁଲା ପଶୁଙ୍କ ପାଇଁ ଆଶ୍ରୟସ୍ଥଳୀ ଖୋଲିବେ ବିରାଟ କୋହଲି। ବିରାଟ କୋହଲି ଫାଉଣ୍ଡେସନ ଦ୍ବାରା ଏଭଳି ଏକ ନିଆରା ସାମାଜିକ କାର୍ଯ୍ୟ ହାତକୁ ନେଇଛନ୍ତି ରନ ମେସିନ ବିରାଟ କୋହଲି। ବିରାଟ କୋହଲିଙ୍କ ଏହି ଅଭିଯାନରେ ଦୁଇଟି ଏନଜିଓ ମଧ୍ୟ ସହଯୋଗ କରିବେ।
ପ୍ରାଥମିକ ପର୍ଯ୍ୟାୟରେ ମୁମ୍ବାଇ ସହରରେ ଦୁଇଟି ପଶୁ ଆଶ୍ରୟସ୍ଥଳୀ ଖୋଲିବାକୁ ଯୋଜନା କରିଛନ୍ତି ବିରାଟ। ମୁମ୍ବାଇର ମଲାଡ ଓ ବୋଇସାରରେ ଏହି ଦୁଇଟି ଆଶ୍ରୟସ୍ଥଳୀ ଖୋଲାଯିବ। 'ଆୱାଜ' ନାମକ ଏକ ବେସରକାରୀ ସଂସ୍ଥାର ସହଯୋଗରେ ମଲାଡରେ ବୁଲା ପଶୁଙ୍କ ପାଇଁ ଅସ୍ଥାୟୀ ପୁନର୍ବାସ କେନ୍ଦ୍ର ଖୋଲାଯିବ। ଆଘାତ ପ୍ରାପ୍ତ ହୋଇଥିବା ବୁଲା କୁକୁର ବା ବିଲେଇଙ୍କୁ ଏଠାକୁ ଅଣାଯିବ। ସେଠାରେ ଚିକିତ୍ସା ପରେ ସେମାନଙ୍କୁ ଛାଡ଼଼ି ଦିଆଯିବ।