ନୂଆଦିଲ୍ଲୀ: 'ଯଦି କୌଣସି ଲୋକ ମୋତେ ପସନ୍ଦ ଲାଗନ୍ତିନି ତେବେ ଏହା ମୋର ମୁହଁରୁ ଜଣାପଡେ । ଏହା ସହିତ ମୋ ବ୍ୟବହାରରେ ଏହା ପ୍ରତିଫଳିତ ହୁଏ' ଏ ହେଉଛି ଟିମ ଇଣ୍ଡିଆର କ୍ୟାପଟେନ ବିରାଟ କୋହଳିଙ୍କ ପ୍ରତିକ୍ରିୟା। ଉପ-ଅଧିନାୟକ ରୋହିତ ଶର୍ମାଙ୍କ ସହ ମତଭେଦକୁ ଖଣ୍ଡନ କରିବା ସହ ଉତ୍ତରରେ ଏହା କହିଛନ୍ତି ବିରାଟ ।
ୱେଷ୍ଟଇଣ୍ଡିଜ ଗସ୍ତ ପୂର୍ବରୁ କୋଚ ରବି ଶାସ୍ତ୍ରୀ ଓ କ୍ୟାପଟେନ ବିରାଟ ସାମ୍ବାଦିକ ସମ୍ମିଳନୀ କରିଥିଲେ । ରୋହିତଙ୍କ ସହ କୌଣସି ମତଭେଦ ନାହିଁ । ଉଭୟ 10 ବର୍ଷରୁ ଅଧିକ ସମୟ ଧରି ଭାରତ ପାଇଁ କ୍ରିକେଟ ଖେଳିଆସୁଛନ୍ତି । ରୋହିତ ଟିମ ଇଣ୍ଡିଆ ପାଇଁ କେତେ ଗୁରୁତ୍ବପୂର୍ଣ୍ଣ, କ୍ୟାପଟେନ ହିସାବରେ ସେ ଭଲଭାବେ ଜାଣନ୍ତି । ମତଭେଦକୁ ନେଇ ପ୍ରଚାର କରାଯାଉଥିବା ଖବର ସଂପୂର୍ଣ୍ଣ ମଥ୍ୟା । ଗତ କିଛି ବର୍ଷ ଧରି ଟିମ ଇଣ୍ଡିଆର ପ୍ରଦର୍ଶନ ବିଶ୍ବସ୍ତରୀୟ ରହିଛି । ଟେଷ୍ଟରେ ଆଇସିସି ମାନ୍ୟତାର 1ନଂ ଟିମ ଭାରତ । ଦିନିକିଆରେ ମାନ୍ୟତାର 2ନଂ ଦଳ ହେଉଛି ଭାରତ । ଟି-20ରେ ମଧ୍ୟ ଦଳର ପ୍ରଦର୍ଶନ ଭଲ ରହିଛି ବୋଲି କୋହଲି ସ୍ପଷ୍ଟ କରିଥିଲେ ।