ନୂଆଦିଲ୍ଲୀ: ଆଇସିସି ପକ୍ଷରୁ ଘୋଷଣା ହୋଇଥିବା ଦଶନ୍ଧିର ଶ୍ରେଷ୍ଠ ଟେଷ୍ଟ ଟିମର କ୍ୟାପଟେନ ରହିଛନ୍ତି ବିରାଟ କୋହଲି । କୋହଲିଙ୍କ ବ୍ୟତୀତ, ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ବିନ ମଧ୍ୟ ଏହି ଟିମରେ ସ୍ଥାନ ପାଇଛନ୍ତି । ତେବେ 4ଜଣ ଇଂଲଣ୍ଡ ଖେଳାଳି, ଦୁଇଜଣ ଭାରତୀୟ, ଦୁଇଜଣ ଅଷ୍ଟ୍ରେଲିଆ, ଶ୍ରୀଲଙ୍କା, ନ୍ୟୁଜିଲାଣ୍ଡ ଓ ଦକ୍ଷିଣ ଆଫ୍ରିକାରୁ ଜଣେ ଲେଖାଏଁ ଖେଳାଳି ଟିମରେ ସ୍ଥାନ ପାଇଛନ୍ତି ।
ଦଶନ୍ଧିର ଶ୍ରେଷ୍ଠ ଟେଷ୍ଟ ଟିମରେ ମହାନ ଖେଳାଳି ଆଲିଷ୍ଟାର କୁକ, କେନ ୱିଲିୟମସନ, ଷ୍ଟିଭ ସ୍ମିଥ, ବେନ ଷ୍ଟୋକ୍ସ ଓ କୁମାର ସାଙ୍ଗାକାରାଙ୍କ ଭଳି ଖେଳାଳି ରହିଛନ୍ତି । ବୋଲିଂ ବିଭାଗରେ ଡେଲ୍ ଷ୍ଟେନ, ଷ୍ଟୁଆର୍ଟ ବ୍ରଡ ଜେମ୍ସ ଆଣ୍ଡରସନ ଓ ରବିଚନ୍ଦ୍ରନ ଅଶ୍ବିନଙ୍କ ଭଳି ଶ୍ରେଷ୍ଠ ବୋଲର ରହିଛନ୍ତି ।
ଦଶନ୍ଧିର ଶ୍ରେଷ୍ଠ ଟେଷ୍ଟ ଟିମ: ଆଲିଷ୍ଟାର କୁକ(ଇଂଲଣ୍ଡ), ଡେଭିଡ ୱାର୍ଣ୍ଣର(ଅଷ୍ଟ୍ରେଲିଆ), କେନ ୱିଲିୟମସନ(ନ୍ୟୁଜିଲାଣ୍ଡ), ବିରାଟ କୋହଲି(ଭାରତ)(କ୍ୟାପଟେନ), ଷ୍ଟିଭ ସ୍ମିଥ(ଅଷ୍ଟ୍ରେଲିଆ), କୁମାର ସାଙ୍ଗାକାର(ଶ୍ରୀଲଙ୍କା), ବେନ ଷ୍ଟୋକ୍ସ(ଇଂଲଣ୍ଡ), ରବିଚନ୍ଦ୍ରନ ଅଶ୍ବିନ(ଭାରତ), ଡେନ ଷ୍ଟେନ(ଦକ୍ଷିଣ ଆଫ୍ରିକା), ଷ୍ଟୁଆର୍ଟ ବ୍ରଡ(ଇଂଲଣ୍ଡ), ଜେମ୍ସ ଆଣ୍ଡରସନ(ଇଂଲଣ୍ଡ) ।
ବର୍ଷ 2019ରେ ବିରାଟ କୋହଲି ୱେଷ୍ଟଇଣ୍ଡିଜ ବିପକ୍ଷରେ ଟେଷ୍ଟ ସିରିଜ ଜିତିବା ସହ ଭାରତୀୟ ଟେଷ୍ଟ ଟିମର କ୍ୟାପଟେନ ଭାବେ 28ଟି ଟେଷ୍ଟ ଜିତିଥିଲେ । ଫଳରେ ମହେନ୍ଦ୍ର ସିଂହ ଧୋନିଙ୍କ ରେକର୍ଡକୁ ପଛରେ ପକାଇ ଭାରତର ସଫଳତମ ଟେଷ୍ଟ କ୍ୟାପଟେନ ବନିଥିଲେ ।
ଆଇସିସି ମଧ୍ୟ ଦଶନ୍ଧିର ଶ୍ରେଷ୍ଠ ମହିଳା ଦିନିକିଆ ଓ ଟି-20 ଟିମ ଘୋଷଣା କରିଛି । ଦିନିକିଆ ଟିମରେ ମିତାଲି ରାଜ ଓ ଝୁଲଣ ଗୋସ୍ବାମୀ ସ୍ଥାନ ପାଇଥିବାବେଳେ, ଟି-20 ଟିମରେ ହରମନପ୍ରିତ କୌର ଓ ପୁନମ ଯାଦବଙ୍କ ନାମ ରହିଛି ।
ଦଶନ୍ଧିର ଶ୍ରେଷ୍ଠ ଆଇସିସି ମହିଳା ଦିନିକିଆ ଟିମ: ଆଲେସ ହେଲି, ସୁଜି ବେଟସ, ମିତାଲି ରାଜ, ମେଗ ଲାନିଙ୍ଗ(କ୍ୟାପଟେନ), ଷ୍ଟାଫେନ ଟେଲର, ଶାରହ ଟେଲର, ଏଲିସ ପେରୀ, ଡେନ ଭାନ ନିକର୍କ, ମାରିଜନେ କାପ, ଝୁଲଣ ଗୋସ୍ବାମୀ ଓ ଅନିଷା ମହମ୍ମଦ ।
ଦଶନ୍ଧିର ଶ୍ରେଷ୍ଠ ଆଇସିସି ମହିଳା ଟି-20 ଟିମ: ଆଲେସ ହେଲି, ସୋଫି ଡିଭାଇନ, ସୁଜି ବେଟସ, ମେହ ଲାନିଙ୍ଗ(କ୍ୟାପଟେନ), ହରମନପ୍ରିତ କୌର, ଷ୍ଟାଫେନ ଟେଲର, ଡିନ୍ଦା ଡୋଟିନ, ଏଲିସ ପେରୀ, ଅନୟା ଶ୍ରୁବସୋଲେ, ମେଗାନ ସ୍କଟ, ପୁନମ ଯାଦବ ।
ଅନ୍ୟପଟେ ଦଶନ୍ଧିର ଶ୍ରେଷ୍ଠ ପୁରୁଷ ଦିନିକିଆ ଓ ଟି-20 ଟିମର କ୍ୟାପଟେନ ଭାବେ ମହେନ୍ଦ୍ର ସିଂହ ଧୋନି ଚୟନ ହୋଇଛନ୍ତି । ବିରାଟ କୋହଲି ଓ ରୋହିତ ଶର୍ମା ଉଭୟ ଦିନିକିଆ ଓ ଟି-20 ଟିମରେ ରହିଛନ୍ତି ।