ନୂଆଦିଲ୍ଲୀ: ବିଶ୍ବକପ ପରେ ଧୋନିଙ୍କ ଅବସରର ନେଇ ଚର୍ଚ୍ଚା । ଧୋନିଙ୍କ ଅବସର ନେବା ନେଇ ଗୋଟେ ପରେ ଗୋଟେ ଖବର ସାମ୍ନାକୁ ଆସୁଛି । ତେବେ ଆଉ ଏକ ରୋମାଞ୍ଚକର ଖବର ଏବେ ମିଡିଆରେ ଘୂରି ବୁଲୁଛି । ଯେ ଧୋନି ବିଶ୍ବକପରେ ତୁରନ୍ତ ଅବସର ଘୋଷଣା କରିବାକୁ ଚାହୁଁଥିଲେ । ମାତ୍ର ବିରାଟ ତାଙ୍କୁ ଅବସର ନନେବା ପାଇଁ ମନାଇଥିଲେ ।
ତେବେ ଏକ ରିପୋର୍ଟ ମୁତାବକ, ବିରାଟ କୋହଲିଙ୍କ ଜଣେ ଘନିଷ୍ଠ ସୂଚନା ଦେଇଛନ୍ତି ଯେ ଧୋନି ସନ୍ନ୍ୟାସ ନେବାକୁ ଚାହୁଁଥିଲେ । ମାତ୍ର ବିରାଟ ତାଙ୍କୁ ଅବସର ନନେବା ପାଇଁ ମନାଇଥିଲେ । ଏମିତି କି ଧୋନି ମଧ୍ୟ ସାଥୀ ଖେଳାଳିଙ୍କୁ ନିଜର ଅବସର ସୂଚନା ଦେଇସାରିଥିଲେ । ଚେନ୍ନାଇ ସୁପରକିଙ୍ଗ୍ସର ଖେଳାଳିମାନେ ଜାଣିଥିଲେ ଯେ, ବିଶ୍ବକପ ପରେ ଧୋନି କ୍ରିକେଟରୁ ଅବସର ନେବେ ।