କଟକ: 16 ବର୍ଷରୁ କମ ବିଜୟ ମର୍ଚାଣ୍ଟ ଟ୍ରଫିର ବେଙ୍ଗଲ ବିପକ୍ଷ ମ୍ୟାଚ ପାଇଁ ଘୋଷଣା ହେଲା ଓଡିଶା-୧୬ ଦଳ। ଏହି ମ୍ୟାଚ ବୁଧବାରଠୁ ଆରମ୍ଭ ହୋଇ 8 ତାରିଖ ପର୍ଯ୍ୟନ୍ତ ବାରବାଟୀ ଷ୍ଟାଡିଅମରେ ଚାଲିବ। ତେବେ ଏହି ମ୍ୟାଚ ପାଇଁ 15 ଜଣିଆ ଓଡିଶା ଦଳ ଘୋଷଣା କରିଛି ଓସିଏ। ଦଳର ଅଧିନାୟକ ଭାର ୱିକେଟକିପର ବ୍ୟାଟ୍ସମ୍ୟାନ ଆଶୀର୍ବାଦ ସ୍ବାଇଁଙ୍କ ଉପରେ ଥିବା ବେଳେ କେଭି ପ୍ରସାଦ କୋଚ ରହିଛନ୍ତି।
ଓଡିଶା ଦଳ: ତନୟ କୁମାର ବିଶ୍ବାଳ, ସାଇଦୀପ ମହାପାତ୍ର, ଆଶୀର୍ବାଦ ସ୍ବାଇଁ ( ଅଧିନାୟକ/ ୱିକେଟକିପର), ସୁଦର୍ଶନ ସ୍ବାଇଁ, ମହମ୍ମଦ ସୋହେଲ ଖାନ, ସୁଭମ ନାୟକ, ଦିଗବିଜୟ ପାତ୍ର, ପ୍ରତୀକ ବଳ, ଅଂଶୁମାନ ବେଜ, ମହମ୍ମଦ ଜିସାନ, ଭବିଷ୍ୟ ବେହେରା , ତାରିଣୀ ପ୍ରସାଦ ନାୟକ, ଓମ ପ୍ରକାଶ ସାହୁ, ଶ୍ରେୟାନ୍ସ ପଣ୍ଡା , ଓମକାର ପ୍ରିୟଦର୍ଶୀ ଦ୍ୱିବେଦୀ।