ଟେଷ୍ଟ କ୍ରିକେଟର ଶ୍ରେଷ୍ଠ ନିଦର୍ଶନ: ଇଣ୍ଡିଜ ବିଜୟରେ ବିରାଟଙ୍କ ପ୍ରଶଂସା

ମହାମାରୀ କୋରୋନା ଭାଇରସ ପରେ ଖେଳାଯାଇଥିବା ପ୍ରଥମ ଅନ୍ତର୍ଜାତୀୟ କ୍ରିକେଟ ମ୍ୟାଚରେ ବିଜୟୀ ହୋଇଛି ୱେଷ୍ଟଇଣ୍ଡିଜ । ଫଳରେ ଟିମ ଇଣ୍ଡିଆ କ୍ୟାପଟେନ କୋହଲିଙ୍କ ସମେତ କ୍ରିକେଟ ସମୁଦାୟ ଇଣ୍ଡିଜ ଟିମକୁ ପ୍ରଶଂସା କରିଛନ୍ତି ।

ନୂଆଦିଲ୍ଲୀ: ମହାମାରୀ କୋରୋନା ଭାଇରସ ସଂକ୍ରମଣ ଯୋଗୁଁ ସ୍ଥଗିତ ଥିବା ଅନ୍ତର୍ଜାତୀୟ କ୍ରିକେଟ ଆରମ୍ଭ ହୋଇଯାଇଛି । ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଶେଷ ଦିନରେ ଲଢୁଆ ପ୍ରଦର୍ଶନ ସହ, ବିଜୟ ହାସଲ କରିଛି ୱେଷ୍ଟଇଣ୍ଡିଜ ଟିମ । 200 ରନର ବିଜୟ ଲକ୍ଷ୍ୟକୁ 6 ୱିକେଟ ବିନିମୟରେ ହାସଲ କରିଥିଲା ହୋଲ୍ଡରଙ୍କ ଚିମ ।

ଫଳରେ ବର୍ତ୍ତମାନର କ୍ରିକେଟର, ପୂର୍ବତନ କ୍ରିକେଟରଙ୍କ ସମେତ କ୍ରିକେଟ ସମୁଦାୟରେ ଇଣ୍ଡିଜ ଟିମକୁ ପ୍ରଂଶସା କରିଛନ୍ତି । ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ଟେଷ୍ଟ କ୍ରିକେଟର ଏହା ଶ୍ରେଷ୍ଠ ନିଦର୍ଶନ ବୋଲି କହିଛନ୍ତି । ଏଥିସହିତ ଟ୍ବିଟ ଯୋଗେଁ ୱେଷ୍ଟଇଣ୍ଡିଜ ଟିମକୁ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି ।

କିମ୍ବଦନ୍ତୀ ୱେଷ୍ଟଇଣ୍ଡିଜ କ୍ରିକେଟର ଭିଭିଆନ ରିଚାର୍ଡସ ମଧ୍ୟ ଟିମକୁ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି । ଏଥିସହିତ କୋରୋନା ଭାଇରସ ପରେ କ୍ରିକେଟ ଆରମ୍ଭର ପ୍ରଥମ ମ୍ୟାଚ ଇଣ୍ଡିଜ ନାମରେ ହୋଇଛି ବୋଲି କହିଛନ୍ତି ।

ସଚିନ ତେନ୍ଦୁଲକର ମଧ୍ୟ ଟ୍ବିଟ ଯୋଗେଁ ୱେଷ୍ଟଇଣ୍ଡିଜର ମ୍ୟାଚ ବିଜୟୀ ପ୍ରଦର୍ଶନ ପାଇଁ ପ୍ରଶଂସା କରିଛନ୍ତି । ବ୍ଳାକଉଡଙ୍କ ଉପଯୋଗୀ ଇଂନିସ ଓ ବୋଲରଙ୍କ ପ୍ରଭାବି ପ୍ରଦର୍ଶନକୁ ପ୍ରଶଂସା କରିଛନ୍ତି ।

ଅନ୍ୟମାନଙ୍କ ମଧ୍ୟରେ ଭିଭିଏଲ ଲକ୍ଷ୍ମଣ, ଆଝାର ମହମ୍ମୁଦ, ବ୍ରାଏନ ଲାରା, କୁମାରା ସାଙ୍ଗାକାରା, ମାାଇକେଲ ଭଲ ଆଦି କିମ୍ବଦନ୍ତୀ କ୍ରିକେଟର ଟ୍ବିଟ ଯୋଗେଁ ୱେଷ୍ଟଇଣ୍ଡିଜ ଟିମକୁ ବିଜୟ ପାଇଁ ପ୍ରଶଂସା କରିଛନ୍ତି ।

ୱେଷ୍ଟଇଣ୍ଡିଜ 3 ମ୍ୟାଚ ବିଶିଷ୍ଟ ସିରିଜରେ 1-ରେ ଆଗୁଆ ରହିଛି । 2ୟ ଟେଷ୍ଟ ଓର୍ଲ୍ଡ ଟ୍ରାଫର୍ଡରେ

ବ୍ୟୁରୋ ରିପୋର୍ଟ, ଇଟିଭି ଭାରତ