ମୁମ୍ବାଇ: ଆଜି ଦିନରେ ଟିମ ଇଣ୍ଡିଆର କ୍ୟାପଟେନ ବିରାଟ କୋହଲି ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ । 19 ବର୍ଷରୁ କମ କ୍ରିକେଟ ବିଶ୍ବକପ ବିଜୟ ପରେ, ସିନିୟର ଟିମରୁ ଡାକରା ପାଇଥିଲେ କୋହଲି । 2008 ଅଗଷ୍ଟ 18ରେ ବିରାଟ ଶ୍ରୀଲଙ୍କା ବିପକ୍ଷ ମ୍ୟାଚରେ ଗୌତମ ଗମ୍ଭୀରଙ୍କ ସହ ଓପନିଂ ପାଇଁ ପଡିଆରେ ପହଞ୍ଚିଥିଲେ ।
ମାତ୍ର ପ୍ରଥମ ମ୍ୟାଚରେ ବିରାଟ ମାତ୍ର 12 ରନ କରିପାରିଥିଲେ । ଧୋନିଙ୍କ ନେତୃତ୍ବରେ ଭାରତୀୟ ଟିମ ଏହି ମ୍ୟାଚରେ 8 ୱିକେଟରେ ପରାସ୍ତ ହୋଇଥିଲା ।
ବିରାଟଙ୍କ ପ୍ରଥମ ଅନ୍ତର୍ଜାତୀୟ ଡେବ୍ୟୁ ମ୍ୟାଚ ଦିନରେ ବିସିସିଆଇ ପକ୍ଷରୁ ଟ୍ବିଟ ଯୋଗେଁ ଶୁଭେଚ୍ଛା ଜଣାଯାଇଛି । ତେବେ ଡେବ୍ୟୁ ମ୍ୟାଚ ଖେଳିବାର ମାତ୍ର 14ଟି ମ୍ୟାଚ ପରେ, 2009ରେ ଇଡେଲ ଗାର୍ଡେନ କୋଲକାତାରେ ଶ୍ରୀଲଙ୍କା ବିପକ୍ଷରେ ପ୍ରଥମ ଶତକ ହାସଲ କରିଥିଲେ କୋହଲି । ଏହାପରେ କୋହଲି ପଛକୁ ଫେରିଚାହିଁନାହାନ୍ତି । କ୍ରିକେଟର ସମସ୍ତ ଫର୍ମାଟରେ ବିଶ୍ବ କ୍ରିକେଟରେ ନିଜକୁ ଶ୍ରେଷ୍ଠ ପ୍ରମାଣିତ କରିଛନ୍ତି ।