ଅହମ୍ମଦାବାଦ: ଚଳିତ ସୟଦ ମୁସ୍ତାକ ଅଲୀ ଟ୍ରଫି ଟୁର୍ଣ୍ଣାମେଣ୍ଟର ନକଆଉଟ ପର୍ଯ୍ୟାୟ ଚୁଡାନ୍ତ ହୋଇଛି । ଜାନୁଆରୀ 26ରୁ ମୋଟେରା ଷ୍ଟାଡିୟମରେ କ୍ବାର୍ଟର-ଫାଇନାଲ ଖେଳିବାକୁ ଥିବା 8ଟି ଟିମର ଚୁଡାନ୍ତ ରୂପରେଖ ସ୍ପଷ୍ଟ ହୋଇଛି । ତେବେ ଏହା ପୂର୍ବରୁ କ୍ବାରେଣ୍ଟିନ ଅବଧି ଶେଷ କରିବା ସହ କୋଭିଡ-19 ଟେଷ୍ଟର ସାମ୍ନା କରିବେ । ରବିବାର ଜାନୁଆରୀ 24ରୁ କ୍ବାର୍ଟର ଫାଇନାଲକୁ ଉନ୍ନୀତ ଟିମ ଅଭ୍ୟାସ ଆରମ୍ଭ କରିବେ ।
ନକଆଉଟ ପର୍ଯ୍ୟାୟକୁ ଉନ୍ନୀତ ହୋଇଥିବା 8ଟି ଟିମ ହେଉଛନ୍ତି, କର୍ଣ୍ଣାଟକ, ପଞ୍ଜାବ, ତାମିଲନାଡୁ, ହିମାଚଳ ପ୍ରଦେଶ, ହରିୟାଣା, ବରୋଦା, ବିହାର ଓ ରାଜସ୍ଥାନ ।
ପ୍ରଥମ କ୍ବାର୍ଟର-ଫାଇନାଲ କର୍ଣ୍ଣାଟକ ଓ ପଞ୍ଜାବ ମଧ୍ୟରେ ଖେଳାଯିବ । ସେହିପରି ଦ୍ବିତୀୟ କ୍ବାର୍ଟର ଫାଇନାଲରେ ଜାନୁଆରୀ 26ରେ ତାମିଲନାଡୁକୁ ଭେଟିବ ହିମାଚଳ ପ୍ରଦେଶ ।