ହାଇଦ୍ରାବାଦ: ଭାରତ-ଦକ୍ଷିଣ ଆଫ୍ରିକା ମଧ୍ୟରେ ବୁଧବାର ଗାନ୍ଧୀ ଜୟନ୍ତୀ ଠାରୁ ଆରମ୍ଭ ହେବ ଟେଷ୍ଟ ସିରିଜ । ପ୍ରଥମ ଟେଷ୍ଟ ପାଇଁ ଭାରତୀୟ ଚୁଡାନ୍ତ ଏକାଦଶ ଘୋଷଣା ହୋଇଛି । ଦଳରେ ରିଷଭ ପନ୍ତଙ୍କ ସ୍ଥାନରେ ରିଦ୍ଧିମାନ ଶାହାଙ୍କୁ ସାମିଲ କରାଯାଇଛି । କ୍ୟାପଟେନ କୋହଲି ସାମ୍ବାଦିକ ସମ୍ମିଳନୀରେ ରିଦ୍ଧିମାନ ଶାହା ଟେଷ୍ଟ ଦଳରେ ସଂପୂର୍ଣ୍ଣ ୱିକେଟ କିପର ବୋଲି କହିଛନ୍ତି । ପନ୍ତ ଜଣେ ଭଲ ଖେଳାଳି ସେଥିପାଇଁ ତାଙ୍କୁ ମଧ୍ୟ ସୁଯୋଗ ମିଳିଛି । ତେବେ ଶାହା ଦଳକୁ ଫେରନ୍ତୁ ବୋଲି ସମସ୍ତେ ଚାହାଁନ୍ତି । ମ୍ୟାଚର କଠିନ ପରିସ୍ଥିତିରେ ଧୈର୍ଯ୍ୟର ସହ ବଡ ଇଂନିସ ଖେଳି ଶାହା ଦଳକୁ ଅନେକ ଥର ବିପଦମୁକ୍ତ କରିଛନ୍ତି ।
ଭିଡିଓ ସୌଜନ୍ୟ: twitter@BCCI
ଅନ୍ୟପଟେ ଅଭିଜ୍ଞ ରବିଚନ୍ଦ୍ରନ ଅଶ୍ବିନଙ୍କ ମଧ୍ୟ ଘରବାହୁଡା ହୋଇଛି । ଟେଷ୍ଟ ଦଳକୁ ଫେରିଛନ୍ତି ଅଶ୍ବିନ । ପୁଣି ଟେଷ୍ଟ ଟିମ ଇଣ୍ଡିଆର ସ୍ପିନ ବିଭାଗ ଜାଡେଜା-ଅଶ୍ବିନ ସମ୍ଭାଳିବେ ।