ହାଇଦ୍ରାବାଦ: ଚଳିତ ସୟଦ ମୁସ୍ତାକ ଅଲୀ ଟ୍ରଫିରେ ଆଉ ଏକ ପରାଜୟର ସାମ୍ନା କରିଛି ଓଡିଶା । ଇଡେନ ଗାର୍ଡେନ କୋଲକାତା ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଓଡିଶାକୁ 54 ରନରେ ହରାଇଛି ଝାଡଖଣ୍ଡ। ଏହା ଓଡିଶାର କ୍ରମାଗତ 4ର୍ଥ ପରାଜୟ ହୋଇଛି । ଏଥିସହ ଟୁର୍ଣ୍ଣାମେଣ୍ଟରୁ ଦଳ ବାଦ ପଡିଛି ।
ଟସ ଜିତି ଝାଡଖଣ୍ଡ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ପରେ ଓଡିଶା ସାମ୍ନାରେ ନିର୍ଦ୍ଧାରିତ 20 ଓଭରରେ 183 ରନର ବିଶାଳ ବିଜୟ ଲକ୍ଷ୍ୟ ରଖିଥିଲା । ଦଳ ପକ୍ଷରୁ କ୍ୟାପଟେନ ତଥା ୱିକେଟ କିପର ବ୍ୟାଟ୍ସମ୍ୟାନ ଇଶାନ କିଶନ 36 ବଲରୁ 6 ଚୌକା ଓ 3 ଚୌକା ସହାୟତାରେ ବିସ୍ଫୋରକ 60 ରନର ଇଂନିସ ଖେଳିଥିଲେ । ବିରାଟ ସିଂ 37 ବଲରୁ ଧୁଆଁଧାର 67 ରନର ଇଂନିସ ଖେଳିଥିଲେ ।