କଲମ୍ବୋ: ଶ୍ରୀଲଙ୍କାରେ ତିଆରି ହେବାକୁ ଯାଉଛି ଏକ ବୃହତ କ୍ରିକେଟ ଷ୍ଟାଡିୟମ । ତେବେ ଶ୍ରୀଲଙ୍କା ସରକାରଙ୍କ ଏହି ନିଷ୍ପତିକୁ ନେଇ ପ୍ରଶ୍ନ ଉଠାଇଛନ୍ତି ପୂର୍ବତନ ଶ୍ରୀଲଙ୍କା କ୍ୟାପଟେନ ମାହେଲା ଜୟବର୍ଦ୍ଧନେ ।
ଶ୍ରୀଲଙ୍କା କ୍ରିକେଟ ବୋର୍ଡ ଓ ଶ୍ରୀଲଙ୍କା ସରକାରଙ୍କ ସହଭାଗିତାରେ ଏହି ଷ୍ଟାଡିୟମ ନିର୍ମାଣ ହେବ ବୋଲି ଜଣାପଡିଛି । ଏହା ଶ୍ରୀଲଙ୍କାର ସବୁଠୁ ବଡ ଷ୍ଟାଡିୟମ ହେବ । ଦର୍ଶକ ଧାରଣର କ୍ଷମତା 60,000 ରଖିବାକୁ ଲକ୍ଷ୍ୟ ରଖାଯାଇଛି । ହୋମାଗମାର ଦିୟଗାମା ସହରରେ 26 ଏକର ସ୍ଥାନରେ ଏହି ଷ୍ଟାଡିୟମ ନିର୍ମାଣର ବ୍ଳୁ ପ୍ରିଣ୍ଟ ପ୍ରସ୍ତୁତ ହୋଇଛି । ତେବେ ବର୍ତ୍ତମାନ ଶ୍ରୀଲଙ୍କାରେ ଥିବା ଅନ୍ତର୍ଜାତୀୟ ଷ୍ଟାଡିୟମର ବ୍ୟବହାର ସଠିକ ଭାବେ ହୋଇପାରୁନାହିଁ । ପର୍ଯ୍ୟାପ୍ତ ମ୍ୟାଚ ଖେଳାଯିବା ମଧ୍ୟ ସମ୍ଭବପର ହେଉନାହିଁ । ଏପରି ସ୍ଥିତିରେ ଆଉ ଏକ ନୂଆ ଷ୍ଟାଡିୟମର ନିର୍ମାଣକୁ ସହଜରେ ଗ୍ରହଣ କରି ପାରିନାହାନ୍ତି ମାହେଲା ଜୟବର୍ଦ୍ଧନେ ।