ଆବୁଧାବି: ଚଳିତ ସଂସ୍କରଣର 35ତମ ମ୍ୟାଚରେ କେକେଆର ବିପକ୍ଷରେ ସନରାଇଜର୍ସ ହାଇଦ୍ରାବାଦ ଟସ୍ ଜିତି ପ୍ରଥମେ ଫିଲ୍ଡିଂର ନିଷ୍ପତ୍ତି ନେଇଥିଲା । ଏହି ମ୍ୟାଚରେ କେକେଆର ପକ୍ଷରୁ ନେତୃତ୍ବ ନେଉଛନ୍ତି ଇଏନ୍ ମୋର୍ଗାନ୍ ।
ତେବେ କେକେଆର ପ୍ରଥମେ ବ୍ୟାଟି କରି ନିର୍ଦ୍ଧାରିତ ଓଭରରେ 5 ଓ୍ବିକେଟ ବିନିମୟରେ 163 ରନ କରିଛି ।
ଏହି ମ୍ୟାଚରେ ହାଇଦ୍ରାବାଦ ସାମ୍ନାରେ 164ରନ୍ର ବିଜୟଲକ୍ଷ୍ୟ ଦେଇଛି କୋଲକାତା । ତେବେ କେକେଆର ଦଳ ପକ୍ଷରୁ ସର୍ବାଧିକ 36ରନ ସଂଗ୍ରହ କରିଛନ୍ତି ଶୁଭମାନ ଗିଲ । ଓପନର ରାହୁଲ ତ୍ରିପାଠୀ ଓ ଶୁଭମାନ ଗିଲ 48ରନର ପାର୍ଟନରସିପ ଇଂନିସ ଖେଳିଥିଲେ । ରାହୁଲ 23ରନରେ ଆଉଟ ହେବାପରେ ଶୁଭମାନ ଗିଲ 36ରନ୍ କରି ଆଉଟ ହୋଇଥିଲେ । ଏହାପରେ 12.1 ଓଭରରେ ନୀତୀଶ ରାଣା 29ରନ୍(20ବଲ୍) କରି ପାଭାଲିୟନକୁ ଫେରିଥିଲେ । ରସେଲ ମାତ୍ର 9 ରନ କରି କ୍ୟାଚ ଆଉଟ ହୋଇଯାଇଥିଲେ । ଅଧିନାୟକ ମୋର୍ଗାନ୍ 23ବଲରେ 34ରନ୍ କରିଥିବାବେଳେ ଦିନେଶ କାର୍ତ୍ତିକ 14ବଲ୍ରେ 29ରନ୍ ସଂଗ୍ରହ କରିଛନ୍ତି ।