ପୋର୍ଟ ଏଲିଜାବେଥ: ଅଷ୍ଟ୍ରେଲିଆ-ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଉଥିବା ଟି-20 ସିରିଜ 1-1ରେ ବରାବର ହୋଇଛି । ପ୍ରଥମ ମ୍ୟାଚରେ ଅଷ୍ଟ୍ରେଲିଆ ବିଜୟୀ ହେବା ସହ 1-0ରେ ଆଗୁଆ ରହିଥିଲା। ତେବେ 2ୟ ମ୍ୟାଚରେ ଦକ୍ଷିଣ ଆଫ୍ରିକା 12 ରନର ରୋମାଞ୍ଚକର ବିଜୟ ହାସଲ କରିଛି। ଫଳରେ 1-1ରେ ସିରିଜ ବରାବର ହୋଇଛି ।
ଅଷ୍ଟ୍ରେଲିଆ ସାମ୍ନାରେ ଦକ୍ଷିଣ ଆଫ୍ରିକା 159 ରନର ବିଜୟ ଲକ୍ଷ୍ୟ ରଖିଥିଲେ । ଦକ୍ଷିଣ ଆଫ୍ରିକା ପକ୍ଷରୁ କ୍ୟାପଟେନ କ୍ବିଣ୍ଟନ ଡିକକ 47 ବଲରେ 70 ରନର ଲଢୁଆ ଇଂନିସ ଖେଳିଥିଲେ ।
ଏହାପରେ ଅଷ୍ଟ୍ରେଲିଆ ପକ୍ଷରୁ ଦୁଇ ଓପନର କ୍ୟାପଟେନ ଆରୋନ ଫିଞ୍ଚ ଓ ଡେଭିଡ ୱାର୍ଣ୍ଣର 28 ବଲରୁ 48 ରନ ସଂଗ୍ରହ କରି ଦମଦାର ଆରମ୍ଭ କରିଥିଲେ । ତେବେ ମ୍ୟାଚର 5ମ ଓଭରରେ ଲୁଙ୍ଗି ଏଙ୍ଗିଡି ଫିଞ୍ଚଙ୍କୁ ଆଉଟ କରି ଦକ୍ଷିଣ ଆଫ୍ରିକା ବିଜୟର ମୂଳଦୁଆ ପକାଇଥିଲେ । ଏହାପରେ ୱାର୍ଣ୍ଣର ଓ ସ୍ମିଥ 2ୟ ୱିକେଟ ଯୋଡିରେ 50 ରନ ଯୋଡିଥିଲେ।
ତେବେ ମ୍ୟାଚର ଶେଷ ଓଭରରେ ଅଷ୍ଟ୍ରେଲିଆ 17 ରନ ଆବଶ୍ୟକ କରୁଥିଲା। ମାତ୍ର 4ରନ କରିବାକୁ ସମର୍ଥ ହୋଇଥିଲା ଦଳ। ୱାର୍ଣ୍ଣରଙ୍କ ଅପରାଜିତ ଅର୍ଦ୍ଧଶତକ ଅଷ୍ଟ୍ରେଲିଆକୁ ବିଜୟ ଦେଇପାରିନଥିଲା । ଫଳରେ 3 ମ୍ୟାଚ ବିଶିଷ୍ଟ ଟି-20 ସିରିଜ 1-1ରେ ବରାବର ରହିଛି ।
