ଜୋହାନ୍ସବର୍ଗ: ଦକ୍ଷିଣ ଆଫ୍ରିକା କ୍ରିକେଟର ସୋଲୋ ନକୱେନି କୋରୋନା ଭାଇରସ ପଜିଟିଭ ଚିହ୍ନଟ ହୋଇଛନ୍ତି । ଫଳରେ 3ୟ କ୍ରିକେଟର ଭାବେ ସଂକ୍ରମଣର ଶିକାର ହୋଇଛନ୍ତି ନକୱେନି । ପୂର୍ବରୁ ପାକିସ୍ତାନର ଜଫର ସର୍ଫରାଜ ଓ ସ୍କଟଲାଣ୍ଡର ମଜିଦ ହକଙ୍କ ଟେଷ୍ଟ ରିପୋର୍ଟ ପଜିଟିଭ ଆସିଥିଲା ।
ଟେଷ୍ଟ ରିପୋର୍ଟ ପଜିଟିଭ ଆସିଥିବା ନେଇ ସୂଚନା ଦେଇଛନ୍ତି ନିଜେ ସୋଲୋ ନକୱେନି । ଟ୍ବିଟ ଯୋଗେଁ ତାଙ୍କ ସହିତ କେବଳ କାହିଁକି ଏପରି ଘଟୁଛି ବୋଲି ଦୁଃଖ ପ୍ରକାଶ କରିଛନ୍ତି । ଗତ ବର୍ଷରୁ GBS ରୋଗ ସହ ସେ ଲଢେଇ କରୁଛନ୍ତି । ପ୍ରଥମ ଯକ୍ଷ୍ମା, ପରେ ଲିଭର ଫେଲ, ଓ କିଡନି ଫେଲ୍ ହୋଇଥିଲା । ତେବେ ଏ ସବୁରୁ ସେ ପ୍ରାୟ 50 ପ୍ରତିଶତ ସୁସ୍ଥ ହୋଇଥିବାବେଳେ, ପୁଣି କୋରୋନା ଭାଇରସ ଟେଷ୍ଟ ରିପୋର୍ଟ ପଜିଟିଭ ଆସିଥିବା ଟ୍ବିଟରେ ଲେଖିଛନ୍ତି ନକୱେନି ।