ହାଇଦ୍ରାବାଦ: ପାକିସ୍ତାନ ତା'ର ମାଟିରେ ଅନ୍ତର୍ଜାତୀୟ କ୍ରିକେଟକୁ ଫେରାଇ ଆଣିବା ପାଇଁ ଚେଷ୍ଟା ଜାରି ରଖିଛି । ନିକଟରେ ଶ୍ରୀଲଙ୍କା ଏବଂ ବାଂଲାଦେଶ ଦଳ ପାକିସ୍ତାନ ଗସ୍ତ କରି ଏକଦିବସୀୟ ଏବଂ ଟି-20 ସିରିଜ ଖେଳିଛନ୍ତି । ତେବେ ଏହି ସମୟରେ ଦ.ଆଫ୍ରିକା ପାକିସ୍ତାନ ଗସ୍ତରେ ଯିବାକୁ ମନା କରିଦେଇଛି । ଦ.ଆଫ୍ରିକା ଟିମ ଟି-20 ସିରିଜ ଖେଳିବା ନେଇ ପାକିସ୍ତାନ ଗସ୍ତ କରିଥାନ୍ତା ।
ତେବେ ଏହି ଗସ୍ତ ରଦ୍ଦ କରିବାର କାରଣ କାର୍ଯ୍ୟ ବ୍ୟସ୍ତତାକୁ ଦର୍ଶାଇଛି ଦ.ଆଫ୍ରିକା କ୍ରିକେଟ ଟିମ । ସୂଚନାନୁସାରେ ଏହି ସିରିଜ ପରବର୍ତ୍ତୀ ସମୟରେ ଆୟୋଜିତ ହେବ । ଉଭୟ ଦେଶର କ୍ରିକେଟ ବୋର୍ଡ ପରବର୍ତ୍ତୀ ସମୟରେ ସିରିଜର ନୂଆ ସମୟ ଓ ତାରିଖ ନିର୍ଣ୍ଣୟ କରିବେ ।