ମେଡିକାଲ ବୁଲେଟିନ: ଗାଙ୍ଗୁଲିଙ୍କ ସ୍ବାସ୍ଥ୍ୟବସ୍ଥା ସ୍ଥିର, ପ୍ରାଇଭେଟ ରୁମ୍‌କୁ ସ୍ଥାନାନ୍ତର

ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କୁ ନେଇ ଆଶ୍ବସ୍ଥିକର ଖବର । ଅଧିକ ପଢନ୍ତୁ...

କୋଲକାତା: ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କୁ ନେଇ ଆଶ୍ବସ୍ଥିକର ଖବର । ଶୁକ୍ରବାର କୋଲକାତାର ଆପୋଲୋ ଗ୍ଳେନେଗ୍ଳସ ହସ୍ପିଟାଲ ପକ୍ଷରୁ ଜାରି ମେଡିକାଲ ବୁଲେଟିନ ଜାରି ହୋଇଛି । ଏଥିରେ ଗାଙ୍ଗୁଲି ସୁସ୍ଥ ଥିବା କୁହାଯାଇଛି । ଏଥିସହ ତାଙ୍କୁ କ୍ରିଟିକାଲ କେୟାର ୟୁନିଟରୁ ଏକ ପ୍ରାଇଭେଟ ରୁମ୍‌କୁ ସ୍ଥାନାନ୍ତର କରାଯାଇଛି ।

ଡାକ୍ତର ଆଫତାବ ଖାନ ଓ ଡାକ୍ତର ଅଶ୍ବିନ ମେହଟ୍ଟାଙ୍କ ନେତୃତ୍ବରେ ଗାଙ୍ଗୁଲିଙ୍କ ଚିକିତ୍ସା ଜାରି ରହିଛି ।

ଗୁରୁବାର ଗାଙ୍ଗୁଲିଙ୍କ ଶରୀରରେ ଦ୍ବିତୀୟ ପର୍ଯ୍ୟାୟ ଏଞ୍ଜିଓପ୍ଲାଷ୍ଟି କରାଯାଇଛି । ଏହା ପରଠାରୁ ସ୍ବାସ୍ଥ୍ୟବସ୍ଥା ସ୍ଥିର ଥିବାବେଳେ, ଡାକ୍ତରୀ ଟିମ ତୀକ୍ଷ୍ମ ନଜର ରଖିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ