ହାଇଦ୍ରାବାଦ:ବିଶ୍ବ କ୍ରିକେଟର ଅନ୍ୟତମ ଲୋକପ୍ରିୟ କ୍ରିକେଟ କାର୍ନିଭାଲ ଇଣ୍ଡିଆନ ପ୍ରିମିୟର ଲିଗ ବା ଆଇପିଏଲ । ବିସିସିଆଇ ଦ୍ବାରା ଆୟୋଜିତ ଦେଶର ଏହି ଧନୀ ଲିଗ ଏଯାବତ୍ 12ଟି ସଂସ୍କରଣର ସଫଳ ଆୟୋଜନ କରି ସାରିଲାଣି । ପ୍ରତି ସଂସ୍କରଣରେ ନୂଆ ପୁରଣା ଚମ୍ପିଆନ ମିଳି ଆସିଛି । ଲିଗର ସବୁଠାରୁ ସଫଳତମ ଦଳ ଭାବେ ମୁମ୍ବାଇ ଇଣ୍ଡିଆନ୍ସ 4 ଥର ଟାଇଟେଲ ଟେକି ସାରିଛି । ମାତ୍ର ଭରପୁର ଶକ୍ତି ଓ ସର୍ବକୃଷ୍ଟ ରଣ କୌଶଳ ରଖିଥିବା ରୟାଲ ଚାଲେଞ୍ଜର୍ସ ବାଙ୍ଗଲୋର ପାଇଁ ଭାଗ୍ୟ ଯେମିତି ବିଡମ୍ବାନା କରିଛି । ତିନି ତିନି ଥର ଫାଇନାଲ ଖେଳିଥିବା ଏହି ଦଳ ଗୋଟିଏ ଥର ମଧ୍ୟ ଟାଇଟଲ ହାତେଇ ପାରି ନାହିଁ । ତେବେ ଆଇପିଏଲ ଇତିହାସରୁ ଏମିତି କିଛି ଜଣା ଅଜଣା ଘଟଣାବଳୀକୁ ନେଇ ‘ଇଟିଭି ଭାରତ’ ର ସ୍ବତନ୍ତ୍ର ଉପସ୍ଥାପନା ‘ଆଇପିଏଲ କିଛି ଜଣା କିଛି ଅଜଣା’ ।
ଆଜିର ଏହି ଉପସ୍ଥାପନାରେ ଆଇପିଏଲର ସମସ୍ତ ରନର୍ସଅପ୍ ଦଳଙ୍କ ଉପରେ ନଜର ପକାଇବା । ତେବେ ବାଙ୍ଗଲୋର ପରି ଦିଲ୍ଲୀ କ୍ୟାପିଟାଲ୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ବି ଏହି ଟୁର୍ଣ୍ଣାମେଣ୍ଟରେ ବିଜୟ ସ୍ବାଦ ଚାଖି ପାରି ନାହାଁନ୍ତି । ବର୍ତ୍ତମାନ ସୁଦ୍ଧା ଚେନ୍ନାଇ ସୁପରକିଙ୍ଗ୍ସ ସର୍ବାଧିକ 6ଥର ଫାଇନାଲ ମ୍ୟାଚ ଖେଳିଛି । ତେବେ ନଜର ପକାନ୍ତୁ ଏହି ପରି ରନର୍ସଅପ ତାଲିକା ଉପରେ...
- ଚେନ୍ନାଇ ସୁପରକିଙ୍ଗ୍ସ-2008
ଆଇପିଏଲର ସିଂହ ଭାବେ ଗଣାଯାଉଥିବା ଏଦି ଫ୍ରାଞ୍ଚାଇଜ୍ ସର୍ବାଧିକ ଥର ଫାଇନାଲ ମ୍ୟାଚ ଖେଳିଛି । ଆଇପିଏଲର ପ୍ରଥମ ସଂସ୍କରଣରେ ମଧ୍ୟ ଫାଇନାଲ ଖେଳିଥିଲା ମହେନ୍ଦ୍ର ସିଂ ଧୋନିଙ୍କ ଏହି ନେତୃତ୍ବାଧିନ ଦଳ । ମାତ୍ର ଫାଇନାଲରେ ରାଜସ୍ଥାନ ରୟାଲ୍ସଠାରୁ 3 ୱିକେଟରେ ପରାସ୍ତ ହୋଇ ପ୍ରଥମ ସଂସ୍କରଣରେ ଟାଇଟଲ ଟେକିବାରୁ ବଞ୍ଚିତ ହୋଇଥିଲା ଚେନ୍ନାଇ । ମୁମ୍ବାଇ ପାଇଁ 39 ବଲରୁ 56ରନ କରିଥିବା ୟୁସୁଫ ପଠାନଙ୍କୁ ମ୍ୟାନ ଅଫ ଦ ମ୍ୟାଚ ଘୋଷଣା କରାଯାଇଥିଲା । ଏହି ମ୍ୟାଚ ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ଖେଳାଯାଇଥିଲା ।
- 2. ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର-2009
ରୋମାଞ୍ଚକ ମୋଡର ଏହି ଫାଇନାଲ ମ୍ୟାଚରେ ମାତ୍ର 6 ରନରେ ପରାସ୍ତ ହୋଇଥିଲା ଡେକାନ ଚାର୍ଜର୍ସ । ଆରସିବି ବୋଲର, ଅନିଲ କୁମ୍ବଲେ 4 ଓଭରରେ 16 ବ୍ୟୟ କରି 4 ୱିକେଟ ହାତେଇଥିବାରୁ ତାଙ୍କୁ ମ୍ୟାନ୍ ଅଫ୍ ଦି ଭାବେ ବିବେଚିତ କରାଯାଇଥିଲା । ଏହି ମ୍ୟାଚରେ ଆରସିବି ଅଧିନାୟକ ବିରାଟ କୋହଲି ମାତ୍ର 7 ରନ କରିଥିଲେ । ଏହି ଫାଇନାଲ ମ୍ୟାଚ ମୁମ୍ବାଇର ୱାଙ୍ଖେଡ ଷ୍ଟାଡିୟମରେ ଖେଳାଯାଇଥିଲା ।
- 3. ମୁମ୍ବାଇ ଇଣ୍ଡିଆନ୍ସ-2010
ଏହି ସିଜିନରେ 2ୟ ଥର ପାଇଁ ଫାଇନାଲ ଖେଳିଥିଲା ଚେନ୍ନାଇ ଏବଂ ସିଏସକେର ପାରମ୍ପାରିକ ପ୍ରତିଦ୍ବନ୍ଦ୍ବୀ ଭାବେ ଗଣା ଯାଉଥିବା ମୁମ୍ବାଇ ଥିଲା 2ୟ ଫାଇନାଲିଷ୍ଟ । ତେବେ 22ରନରେ ଫାଇନାଲରେ ପାରାସ୍ତ ହୋଇଥିବା ଏମଆଇ । ପ୍ରଥମଥର ପାଇଁ ଟ୍ରଫି ଟେକିଥିଲା ସିଏସକେ । ଏହି ମ୍ୟାଚ ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ଖେଳାଯାଇଥିଲା ।
- 4. ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର-2011
ସେହିପରି 2011ରେ ଆଇପିଏଲରର 4ର୍ଥ ସଂସ୍କରଣରେ 2ୟଥର ପାଇଁ ଫାଇନାଲ ଖେଳୁଥିଲା ଆରସିବି । ସାମ୍ନାରେ ଥିବା ଚେନ୍ନାଇଠାରୁ 58ରନରେ ପରାସ୍ତ ହୋଇ 2ୟ ଥର ଟ୍ରଫିରୁ ବଞ୍ଚିତ ହୋଇଥିଲା ବିରାଟଙ୍କ ଟିମ ।
- 5. ଚେନ୍ନାଇ ସୁପରକିଙ୍ଗ୍ସ-2012
ତେବେ ଆଇପିଏଲ-5ରେ ମଧ୍ୟ ପୁଣିଥରେ ଚେନ୍ନାଇ ସୁପର କିଙ୍ଗ୍ସ ଫାଇନାଲକୁ ପ୍ରବେଶ କରିଥିଲା । ତେବେ କେକେଆର ସେମାନଙ୍କଠାରୁ କ୍ରମାଗତ ତୃତୀୟ ଟାଇଟଲ୍ ଜିତିବାରୁ ବଞ୍ଚିତ କରିଥିଲା । କେକେଆର ଏମ ବିସଲାଙ୍କ 48 ଟି ବଲରୁ 89 ରନର ପାଳି ଚେନ୍ନାଇଠାରୁ ଟାଇଟଲ ଛଡାଇ ନେଇଥିଲା । ଚେନ୍ନାଇ ରଖିଥିବା 191 ରନ୍ ଟାର୍ଗେଟକୁ 2ଟି ବଲ ବାକି ଥାଇ ହାସଲ କରିଥିଲା ଶାହାରୁଖ ଖାନଙ୍କ ଦଳ ।
- 6. ଚେନ୍ନାଇ ସୁପରକିଙ୍ଗ୍ସ-2013