ଇଣ୍ଡିଆ-ଏ ଦଳରେ ଖେଳିବେ ଧୱନ

ଫର୍ମ ଫେରିବା ଲାଗି ଜୁନିୟର ଦଳରେ ଖେଳିବେ ଟିମ ଇଣ୍ଡିଆର ଷ୍ଟାର ଓପନର ଧୱନ । ଦକ୍ଷିଣ ଆଫ୍ରିକା ଏ ବିପକ୍ଷରେ ଶେଷ 2ଟି ମ୍ୟାଚ ପାଇଁ ଧାୱନ ଦଳରେ ସାମିଲ ।

ନୂଆଦିଲ୍ଲୀ: ଖରାପ ଫର୍ମ ଦେଇ ଗତି କରୁଥିବା ଶିଖର ଧୱନ ଇଣ୍ଡିଆ-ଏ ଦଳରେ ଖେଳିବେ । ଦକ୍ଷିଣ ଆଫ୍ରିକା-ଏ ଓ ଇଣ୍ଡିଆ -ଏ ମଧ୍ୟରେ ଅନଅଫିସିଆଲ ଦିନିକିଆ ସିରିଜ ଖେଳାଯାଉଛି । ଏହି ସିରିଜର ଶେଷ 2ଟି ମ୍ୟାଚ ପାଇଁ ଧାୱନଙ୍କୁ ଦଳରେ ସାମିଲ କରାଯାଇଛି ।

ଟିମ ଇଣ୍ଡିଆର ଏହି ଷ୍ଟାର ବାମହାତୀ ଓପନର ବିଶ୍ବକପରେ ଆହତ ହୋଇ ବାଦ ପଡିଥିଲେ । ଏହାପରେ ୱେଷ୍ଟଇଣ୍ଡିଜ ବିପକ୍ଷ ଦିନିକିଆ ସିରିଜରେ ଦଳକୁ ଫେରିଥିଲେ । ମାତ୍ର 3ଟି ଟି-20 ଓ 2ଟି ଦିନିକିଆ ମ୍ୟାଚ ମୋଟ 5ଟି ମ୍ୟାଚରୁ ମାତ୍ର 65 ରନ କରିବାକୁ ସମର୍ଥ ହୋଇଥିଲେ । ସେ ଟି-20 ମ୍ୟାଚରେ ଯଥାକ୍ରମେ 1, 23, 3 ରନ କରିଥିଲେ । ଦିନିକିଆରେ ଯଥାକ୍ରମେ 2 ଓ 36 କରିଥିଲେ ।

ସେଥିପାଇଁ ଧୱନଙ୍କୁ ପୁଣିଥରେ ଫର୍ମକୁ ଫେରାଇ ଆଣିବାକୁ ପ୍ରୟାସ କରିଛନ୍ତି ଜାତୀୟ ଚୟନକର୍ତ୍ତା କମିଟି । ଧୱନଙ୍କୁ ଇଣ୍ଡିଆ-ଏ ଦଳରେ ଦଳରେ ଖେଳିବାକୁ ବିସିସିଆଇ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇ କୁହାଯାଇଛି । ତେବେ ତାମିଲନାଡୁ ଅଲରାଉଣ୍ଡର ବିଜୟ ଶଙ୍କର ଆହତ କାରଣରୁ ଭାରତ ଏ ଟିମରୁ ବାଦ ପଡିଛନ୍ତି ।