ଦୁବାଇ: ପ୍ରକାଶ ପାଇଛି ଆଇସିସି ମହିଳା ଟି20 ମାନ୍ୟତା । ସଦ୍ୟ ପ୍ରକାଶିତ ମାନ୍ୟତା ତାଲିକାରେ ଯୁବ ଭାରତୀୟ ଓପନର ଶେଫାଳି ବର୍ମା ଶୀର୍ଷ ସ୍ଥାନରେ ରହିଛନ୍ତି । ଲକ୍ଷ୍ନୌରେ ଖେଳାଯାଉଥିବା ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ଦମଦାର ଫର୍ମରେ ରହିଛନ୍ତି ଶେଫାଳି ।
ଗତ ବର୍ଷ ଅଷ୍ଟ୍ରେଲିଆରେ ଖେଳାଯାଇଥିବା ଆଇସିସି ମହିଳା ଟି20 ବିଶ୍ବକପରେ ଭାରତକୁ ଫାଇନାଲରେ ପହଞ୍ଚାଇବା ପରେ, 17 ବର୍ଷୀୟା ବିସ୍ଫୋରକ ବ୍ୟାଟିଂ ଷ୍ଟାର ପ୍ରଥମ ଥର ପାଇଁ ନମ୍ବର 1 ସ୍ଥାନ ହାସଲ କରିଥିଲେ ।