ରୁଟ୍‌-ଗାବ୍ରିଏଲ୍‌ ଫାଇଟ: ବିନା ଦୋଷରେ ଟ୍ରୋଲ ହେଲେ ସଞ୍ଜୟ

ଏହା ପରେ ମଙ୍ଗଳବାର ସଞ୍ଜୟ ଟ୍ବିଟ କରି ଷ୍ଟମ୍ପରେ ଲାଗିଥିବା ମାଇକ୍‌କୁ ନେଇ ପ୍ରଶ୍ନ କରିଥିଲେ । ତେବେ ଏହା ପରେ ଟ୍ବିଟରେ ଆରମ୍ଭ ହୋଇଯାଇଛି କମେଣ୍ଟର ବର୍ଷା ।

ହାଇଦ୍ରାବାଦ: ଦୋଷ ନ ଥାଇ ବି ଫସି ଗଲେ ଭାରତୀୟ ପୂର୍ବତନ କ୍ରିକେଟର ସଞ୍ଜୟ ମଞ୍ଜେରକର । ଟ୍ରୋଲ ହେଲେ ଟ୍ବିଟରରେ । ତେବେ ରୁଟ୍‌-ଗାବ୍ରିଏଲ୍‌ଙ୍କ ଗେ' କୁ ନେଇ ବାକ୍‌ ଯୁଦ୍ଧ ପରେ ଷ୍ଟମ୍ପ ମାଇକକୁ ନେଇ ଏମିତି କିଛି ଟୁଇଟ କରିଦେଲେ ସଞ୍ଜୟ । ପରେ କ୍ରିକେଟ ପ୍ରେମୀ ତାଙ୍କୁ ଜୋରଦାର ଟ୍ରୋଲ କରିବାରେ ଲାଗିଛନ୍ତି ।

ତେବେ ୱେଷ୍ଟଇଣ୍ଡିଜ୍‌ ଓ ଇଂଲଣ୍ଡ ମଧ୍ୟରେ ଖେଳାଯାଉଥିବା 3ୟ ଟେଷ୍ଟରେ ଇଂଲଣ୍ଡ ଅଧିନାୟକ ଜୋ ରୁଟ୍‌ ଓ ୱେଷ୍ଟଇଣ୍ଡିଜ୍ ଅଲରାଉଣ୍ଡର ଶାନ୍ନନ ଗାବ୍ରିଏଲ୍‌ଙ୍କ ମଧ୍ୟରେ ବାକ୍‌ଯୁଦ୍ଧ ଦେଖିବାକୁ ମିଳିଥିଲା । ଗାବ୍ରିଏଲ୍‌ ପ୍ରଥମେ କିଛି ଅପଶବ୍ଦ ପ୍ରୟୋଗ କରିଥିଲେ । ପରେ ରୁଟ୍‌ ତାଙ୍କୁ ଯାହା ପ୍ରତି ଉତ୍ତରରେ କହିଥିଲେ ସେ କଥା ଷ୍ଟମ୍ପରେ ଲାଗିଥିବା ମାଇକରେ ରେକର୍ଡ ହୋଇଥିଲା । ରୁଟ କହିଥିଲେ " ଗେ ହୋଇ ରହିବା କୌଣସି ଭୁଲ କଥା ନୁହେଁ । "

ତେବେ ଏହା ପରେ ମଙ୍ଗଳବାର ସଞ୍ଜୟ ଟ୍ବିଟ କରି ଷ୍ଟମ୍ପରେ ଲାଗିଥିବା ମାଇକ୍‌କୁ ନେଇ ପ୍ରଶ୍ନ କରିଥିଲେ । ସଞ୍ଜୟ ଲେଖିଛନ୍ତି, "ଷ୍ଟମ୍ପରେ ଲାଗିଥିବା ମାଇକ୍‌ କଣ ପ୍ରକୃତରେ ମ୍ୟାଚରେ କୌଣସି ଲାଭ ଦେଉଛି । ସର୍ଫରାଜଙ୍କ ପରେ ଗାବ୍ରିଏଲ୍‌ଙ୍କ ସହିତ ଯାହା ଘଟିଲା, ସେଥିପାଇଁ ଷ୍ଟମ୍ପ ମାଇକଙ୍କୁ ଧନ୍ୟବାଦ୍‌ ।"

ତେବେ ଏହା ପରେ ଟ୍ବିଟରେ ଆରମ୍ଭ ହୋଇଯାଇଛି କମେଣ୍ଟର ବର୍ଷା ।