ହାଇଦ୍ରାବାଦ: ଅଗଷ୍ଟ 15 ତାରିଖ ଦିନ କ୍ୟାପଟେନ କୁଲ ମହେନ୍ଦ୍ର ସିଂ ଧୋନି ଅନ୍ତରାଷ୍ଟ୍ରୀୟ କ୍ରିକେଟରୁ ସନ୍ୟାସ ନେଇଛନ୍ତି । ମାହିଙ୍କ ସନ୍ୟାସ ଖବର ଆସିବା ପରେ ତାଙ୍କ ପ୍ରଶଂସକଙ୍କମାନେ ବେଶ ଭାବୁକ ହୋଇ ପଡିଛନ୍ତି । ତେବେ ଏହି ସମୟରେ ଏମଏସ ଧୋନିଙ୍କ ପତ୍ନୀ ସାକ୍ଷୀ ଧୋନି ମାହିଙ୍କ ପାଇଁ ଏକ ଆବେଗଭରା ପୋଷ୍ଟ ସୋସିଆଲମିଡିଆରେ ପୋଷ୍ଟ କରିଛନ୍ତି ।
ସାକ୍ଷୀ ନିଜର ଇନଷ୍ଟାଗ୍ରାମରେ ଧୋନିଙ୍କ ଏକ ଫଟୋ ପୋଷ୍ଟ କରି ଲେଖିଛନ୍ତି ଯେ, ତମେ ଯାହା ହାସଲ କରିଛ, ସେଥିପାଇଁ ତୁମକୁ ଗର୍ବ କରିବା କଥା । ଖେଳରେ ନିଜର ସର୍ବଶ୍ରେଷ୍ଠ ଦେଇଥିବାରୁ ତୁମକୁ ଅଭିନନ୍ଦନ । ତୁମ ଉପରେ ଓ ତୁମର ଉପଲବ୍ଧିକୁ ନେଇ ମୁଁ ବେଶ ଗର୍ବ ଅନୁଭବ କରେ । ମତେ ବେଶ୍ ଭଲ ଭାବରେ ଜଣା ନିଜର ଜୁନୁନକୁ ବିଦାୟ କହିବା ପାଇଁ ନିଜର ଲୁହକୁ ନିଜ ଭିତରେ ଲୁଚେଇ ଦେଇଥିବ । ତମକୁ ସ୍ବାସ୍ଥ୍ୟ, ଖୁସି ଓ ଭବଷ୍ୟତ ପାଇଁ ଶୁଭକାମନା । ଧନ୍ୟବାଦ ଏମଏସଡି ।