ନୂଆଦିଲ୍ଲୀ: ଭାରତୀୟ ମହିଳା ଦଳ ଅଧିନାୟିକା ମିତାଲୀଙ୍କୁ ଶୁଭେଚ୍ଛା ଜଣାଇଲେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର। ଅନ୍ତର୍ଜାତୀୟ କ୍ରିକେଟରେ 10 ହଜାର ରନ ପୂରଣ କରିଛନ୍ତି ମିତାଲୀ ରାଜ। ଶୁକ୍ରବାର ଦକ୍ଷିଣ ଆଫ୍ରିକା ବିରୋଧରେ ଖେଳାଯାଇଥିବା 36 ରନ୍ କରି ଏହି ଉପଲବ୍ଧି ହାସଲ କରିଛନ୍ତି। ଏଭଳି କୀର୍ତ୍ତି ହାସଲ କରିବାରେ ସେ ହେଉଛନ୍ତି ପ୍ରଥମ ଭାରତୀୟ ମହିଳା କ୍ରିକେଟର ଓ ବିଶ୍ବର ଦ୍ବିତୀୟ ମହିଳା କ୍ରିକେଟର।
କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକର ଟ୍ବିଟ୍ କରି କହିଛନ୍ତି ଯେ, "ମିତାଲୀ ରାଜ ଅନ୍ତର୍ଜାତୀୟ କ୍ରିକେଟରେରେ 10 ହଜାର ରନ ପୂରଣ କରିଛନ୍ତି। ତାଙ୍କୁ ମୁଁ ଅନେକ ଶୁଭେଚ୍ଛା ଜଣାଉଛି। ଏକ ଚରମ ଉପଲବ୍ଧୀ। ଏମିତି ପ୍ରଦର୍ଶନ ଜାରି ରହୁ।"