ହାଇଦ୍ରାବାଦ: ପୂର୍ବତନ ୱେଷ୍ଟଇଣ୍ଡିଜ ଖେଳାଳି ବ୍ରାଏନ ଲାରା କହିଛନ୍ତି ଯେ ଅଷ୍ଟ୍ରେଲିଆ ବିପକ୍ଷରେ ସଚିନ ଖେଳିଥିବା 241 ରନର ଇନିଂସ ସବୁଠାରୁ ଶୃଙ୍ଖଳିତ ଓ ସ୍ଥିର ଟେଷ୍ଟ ଇନିଂସ ଥିଲା ।
ତେନ୍ଦୁଲକର ଯିଏ ନିଜର ପ୍ରଥମ ଟେଷ୍ଟ ଡେବ୍ୟୁ 16 ବର୍ଷ ବୟସରେ କରିଥିଲେ ନିଜର ଟେଷ୍ଟ କ୍ୟାରିୟରକୁ ଟେଷ୍ଟ କ୍ରିକେଟର ସର୍ବାଧିକ ରନ ସ୍କୋରର ଭାବେ ଶେଷ କରିଥିଲେ ।
‘ଆପଣ କେବେ ଚିନ୍ତା କରିଛନ୍ତି 16 ବର୍ଷ ବୟସରେ ଟେଷ୍ଟ ଖେଳିବା ଆରମ୍ଭ କରି ଆସନ୍ତା 24 ବର୍ଷ ଯାଏଁ ଖେଳିବା କଥା । ତାହା ଅବିଶ୍ବସନୀୟ ଅଟେ । ନିଜ କ୍ୟାରିୟରରେ ସଚିନ ଅନେକ ଗୁଡିଏ ବିଶ୍ମୟକର ଇନିଂସ ଖେଳିଛନ୍ତି କିନ୍ତୁ ଅଷ୍ଟ୍ରେଲିଆ ବିପକ୍ଷରେ ଅପରାଜିତ ରହି 241 ରନର ଇନିଂସ ତାଙ୍କର ସବୁଠାରୁ ଶୃଙ୍ଖଳିତ ଓ ସ୍ଥିର ଇନିଂସ,’ ବୋଲି ଇନଷ୍ଟାଗ୍ରାମରେ ପୋଷ୍ଟ କରି କହିଛନ୍ତି ମହାନ ଖେଳାଳି ବ୍ରାଏନ ଲାରା ।
ତେବେ ସଚିନଙ୍କ ଉଦାହରଣ ଦେଇ, ଲାରା ସାରା ବିଶ୍ବକୁ ମଧ୍ୟ ଶୃଙ୍ଖଳିତ ରହି କୋରୋନାକୁ ହରାଇବାକୁ ଆହ୍ବାନ ଦେଇଛନ୍ତି ।
2004 ମସିହାରେ ସଚିନ 436 ବଲରେ 241 ରନ ସଂଗ୍ରହ କରି ଭାରତର ସ୍କୋର 705/5ରେ ପହଁଞ୍ଚାଇଥିଲେ । ମ୍ୟାଚ ଅମିମାଂସିତ ହୋଇଥିଲା କିନ୍ତୁ ସଚିନଙ୍କର ଏକାଗ୍ରତ ଓ ନିଷ୍ଠା ସଭିଙ୍କୁ ବେଶ ପ୍ରଭାବିତ କରିଥିଲା ।
