ବିରାଟଙ୍କୁ ଚିହ୍ନି ପାରିଲେନି ରୋହିତ !

ଭାରତୀୟ ଦଳର ଉପ ଅଧିନାୟକ ରୋହିତ ଶର୍ମାଙ୍କୁ ରବୀନ୍ଦ୍ର ଜାଡେଜା  "ହେଡ୍ସ ଅପ" ଚ୍ୟାଲେଞ୍ଜ ଦେଉଛନ୍ତି ।

ଗୁଆନା: ଇଣ୍ଡିଜ୍‌ ଗସ୍ତର ପ୍ରଥମ ଦିନିକିଆ ବର୍ଷା ଯୋଗୁଁ ବାଧା ପ୍ରାପ୍ତ ହେବା ପରେ ହୋଟେଲରେ ଭାରତୀୟ ଖେଳାଳିମାନେ ମଜାମସ୍ତି କରୁଥିବାର ନଜର ଆସିଛନ୍ତି । ତେବେ ବିସିସିଆଇର ଅଫିସିଆଲ ଟ୍ବିଟର ଆକାଉଣ୍ଟରେ ଏକ ଭିଡିଓ ପୋଷ୍ଟ କରାଯାଇଛି । ଯେଉଁଥିରେ ଦଳର ଉପ ଅଧିନାୟକ ରୋହିତ ଶର୍ମାଙ୍କୁ ରବୀନ୍ଦ୍ର ଜାଡେଜା "ହେଡ୍ସ ଅପ" ଚ୍ୟାଲେଞ୍ଜ ଦେଉଛନ୍ତି ।

ଭିଡିଓଟିରେ ରୋହିତ୍‌ କାର୍ଡ ବୋର୍ଡରେ ଲେଖା ହେଉଥିବା କିଛି ଖେଳାଳିଙ୍କ ନାମକୁ ନିଜ ମୁଣ୍ଡ ଉପରେ ରଖୁଛନ୍ତି । ଜାଡେଜା ସେହି ଖେଳାଳିଙ୍କ ଆକ୍ସନ କରି ଦେଖାଉଛନ୍ତି । ପରେ ରୋହିତ ଉକ୍ତ ଖେଳାଳିଙ୍କ ନାମ କହୁଛନ୍ତି ।

ତେବେ ପ୍ରଥମ ନାମ ଜସପ୍ରୀତ୍‌ ବୁମରାଙ୍କ ଆସୁଛି । ଯାହକୁ ରୋହିତ୍‌ ଅତି ସହଜରେ ଅନୁମାନ ଲଗାଇ ପାରୁଛନ୍ତି । ପରେ ବିରାଟ କୋହଲିଙ୍କ ନାମ ଆସିବାରୁ ଜାଡେଜା କୋହଲିଙ୍କ ଆକ୍ସନ ଦେଖାଇଛନ୍ତି । ମାତ୍ର ରୋହିତ୍‌ ବିରାଟଙ୍କ ଆକ୍ସନକୁ ବିଳମ୍ବରେ ଅନୁମାନ କରି କହୁଛନ୍ତି ।

ତେବେ ପୂର୍ବରୁ ବିସିସିଆଇର ଅଫିସିଆଲ ଟ୍ବିଟର ଆକାଉଣ୍ଟରେ ଏପରି ଏକ ଭିଡିଓ ପୋଷ୍ଟ କରାଯାଇଥିଲା । ଯେଉଁ ଭିଡିଓରେ ଦଳର ଅନ୍ୟତମ ଓପନ ଶିଖର ଧୱନ ଓ ଯୁବ ବ୍ୟାଟ୍ସମ୍ୟାନ ଶ୍ରେୟସ୍‌ ଆୟର 'ସ୍ପିକ୍‌ ଆଉଟ' ଚ୍ୟାଲେଞ୍ଜ ଗ୍ରହଣ କରୁଛନ୍ତି ।