ଦୁବାଇ: ପ୍ରକାଶ ପାଇଛି ଆଇସିସି ଟେଷ୍ଟ ମାନ୍ୟତା । ସଦ୍ୟ ପ୍ରକାଶିତ ମାନ୍ୟତାରେ ଭାରତୀୟ ଓପନର ବ୍ୟାଟ୍ସମ୍ୟାନ ରୋହିତ ଶର୍ମା କ୍ୟାରିୟରର ସର୍ବଶ୍ରେଷ୍ଠ ଅଷ୍ଟମ ସ୍ଥାନରେ ପହଞ୍ଚିଛନ୍ତି । ରୋହିତ ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟରେ ଦମଦାର ପ୍ରଦର୍ଶନ କରିଥିଲେ, ଯାହା ମାନ୍ୟତାରେ ପ୍ରତିଫଳିତ ହୋଇଛି ।
ଇଂଲଣ୍ଡ ବିପକ୍ଷରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ତୃତୀୟ ଟେଷ୍ଟର ପ୍ରଥମ ଇଂନିସରେ ରୋହିତ 66 ରନ ଓ ଦ୍ବିତୀୟ ଇଂନିସରେ ଅପରାଜିତ 25 ରନ ସହ ଛକା ମାରି ଭାରତକୁ ବିଜୟ ଦେଇଥିଲେ । ରୋହିତଙ୍କ ରେଟିଂ ପଏଣ୍ଟ 742 ରହିଛି । ବର୍ଷ 2019ରେ 722 ରେଟିଂ ପଏଣ୍ଟ ସହ 10ମ ସ୍ଥାନରେ ରହିଥିଲେ ।
ତୃତୀୟ ମ୍ୟାଚରେ ମୋଟ 11 ୱିକେଟ ଅକ୍ତିଆର କରିଥିବା ସ୍ପିନ ଦ୍ରୁତବୋଲର ଅକ୍ଷର ପଟେଲ ଓ ରବିଚନ୍ଦ୍ରନ ଅଶ୍ବିନ ମଧ୍ୟ ମାନ୍ୟତାର ଉପରକୁ ଉଠିଛନ୍ତି । ଅକ୍ଷର 38ତମ ସ୍ଥାନରେ ପହଞ୍ଚିଥିବାବେଳେ, ଅଶ୍ବିନ 4ର୍ଥ ସ୍ଥାନରୁ 3ୟ ସ୍ଥାନରୁ ଉନ୍ନୀତ ହୋଇଛନ୍ତି ।