ନୂଆଦିଲ୍ଲୀ: ଆଇସିସି ଟି-20 ରାଙ୍କିଂରେ ଗୋଟିଏ ଗୋଟିଏ ସ୍ଥାନ ତଳକୁ ଖସିଲେ ରୋହିତ ଶର୍ମା ଓ ଜଶପ୍ରୀତ ବୁମରା। ବୁଧବାର ଆଇସିସି ପକ୍ଷରୁ ଜାରି ହୋଇଛି କ୍ରିକେଟରଙ୍କ ଟି-20 ରାଙ୍କିଂ। ଏହି ତାଲିକା ମୁତାବକ ରୋହିତ ଶର୍ମା ଗୋଟିଏ ସ୍ଥାନ ତଳକୁ ଖସି 14ତମ ସ୍ଥାନକୁ ଆସିଛନ୍ତି। ପୂର୍ବରୁ ସେ 13ତମ ସ୍ଥାନରେ ରହିଥିଲେ।
ସେପଟେ ଭାରତୀୟ ଫାଷ୍ଟ ବୋଲର ଜଶପ୍ରୀତ ବୁମରା ମଧ୍ୟ ଗୋଟିଏ ସ୍ଥାନରେ ତଳକୁ ଖସି ଆସିଛନ୍ତି। ପୂର୍ବରେ ସେ ବୋଲର ତାଲିକାରେ 15ତମ ସ୍ଥାନରେ ରହିଥିଲେ। ତେବେ ବର୍ତ୍ତମାନ ସେ 16ତମ ସ୍ଥାନକୁ ଖସି ଆସିଛନ୍ତି। ସେପଟେ ନ୍ୟୁଜିଲାଣ୍ଡର ମାର୍ଟିନ ଗପ୍ଟିଲ ଓ ଅଷ୍ଟ୍ରେଲିଆର ଫାଷ୍ଟ ବୋଲର ରିଚାର୍ଡସନ ଗୋଟିଏ ଗୋଟିଏ ସ୍ଥାନ ଉପରକୁ ଉଠିଛନ୍ତି। ଗପ୍ଟିଲ ତିନୋଟି ସ୍ଥାନ ଉପରକୁ ଉଠି 11ତମ ସ୍ଥାନରେ ପହଞ୍ଚିଛନ୍ତି। ସେହିଭଳି ରିଚାର୍ଡସନ ବୋଲର ତାଲିକାରେ 15ତମ ସ୍ଥାନରେ ପହଞ୍ଚିଛନ୍ତି।